Oem Pheakdey

28/08/2026

សក្ដិសម្រាប់គ្រូ មតេយ្យសិក្សា បឋមសិក្សា និង អនុវិទ្យាល័យ 12+2 មានតែសក្ដិប្រាក់ និងមាសទេ សក្ដិប្រាក់ ខ.៣.៤ សក្ដិមាស ក.៣.៤(សម្រាប់អ្នកមានបរិញ្ញាបត្រ) សម្រាប់គ្រូ បឋមសិក្សា និង អនុវិទ្យាល័យ 12+4 គឺសក្ដិមាស ក.៣.៤
ដែលមានរូបដូចខាងក្រោម។ចៀសវាង ការិទិញខុស ព្រោះក្នុងកម្រិតក និង ខ ចែកចេញជា៣ទៀតដែលមានលក្ខណ:ស្រដៀងតែមិនដូចគ្នាទេ។បញ្ជាក់សម្រាប់តែគរុសិស្សនិងគរុនិស្សិតឆ្នាំសិក្សា2024មកទេ។

27/08/2026

GPA មកពីពាក្យពេញថា Grade Point Average វាគឺជាតម្លៃតួរលេខដែលប្រាប់ពីកម្រិតពិន្ទុដែលអ្នកទទួលបានលើមុខវិជ្ជាសិក្សាដែលគិតជាមធ្យម ។ ប្រព័ន្ធអប់រំក្នុងប្រទេសនីមួយៗប្រើប្រព័ន្ធវាយតម្លៃចំណាត់ថ្នាក់សិក្សាខុសៗគ្នាដូច្នេះ GPA ត្រូវបានបង្កើតឡើងសម្រាប់ជាវិមាត្រ រឺ ខ្នាតសម្រាប់វាស់មួយដែលងាយស្រួលសម្រាប់សាកលវិទ្យាល័យនៃប្រទេសផ្សេងៗគ្នាយកមកមើលនិងវិភាគពីកម្រិតការសិក្សាយល់ដឹងរបស់សិស្ស-និស្សិត ជាទូទៅ GPA ត្រូវបានគេវាស់ពីកម្រិត 1.0-4.0 ។

GPA បើគិតដោយសាមញ្ញបំផុតវាដូចជាគ្រូរបស់អ្នកអោយពិន្ទុលើមុខវិជ្ជាអ្វីមួយ ឧទាហរណ៍ គណិតវិទ្យាដែលមានពិន្ទុពេញ 100 ហើយអ្នកធ្វើបាន 100 នោះអ្នកបាន A ដែលវាសមមូលទៅនឹងតម្លៃ GPA 4.0 តែជាទូទៅសិស្ស-និស្សិតត្រូវសិក្សាលើច្រើនមុខវិជ្ជា អាចក្រៅពីគណិតវិទ្យា។ ក្នុងកម្មវិធីសិក្សាបរិញ្ញាប័ត្រគ្រប់គ្រងពាណិជ្ជកម្ម ក្នុងនឹងក៏មានមុខវិជ្ជាផ្សេងៗដូចជា មុខវិជ្ជាប្រវត្តិវិទ្យាដែលអ្នកយកបានត្រឹម B (សមមូល GPA 3.0) , មុខវិជ្ជាគណនេយ្យ C (សមមូល GPA 2.0) និង មុខវិជ្ជាគ្រប់គ្រងទូទៅបាននិទ្ទេស A (សមមូល GPA 4.0) ដោយមុខវិជ្ជានីមួយៗគិតជា 2 Credits ស្មើគ្នា យើងបាន (4+3+2+4)x2 ស្មើនឹង 26 គ្រាប់ និង មុខវិជ្ជាទាំងអស់មាន 4 មុខក្នុងមួយមុខ 2 Credits យើងបាន 26/(4x2) = 3.25 តាមការគណនានេះយើងឃើញថានិស្សិតនៃថ្នាក់បរិញ្ញាប័ត្រគ្រប់គ្រងពាណិជ្ជកម្មម្នាក់មាន​ GPA= 3.25 ក្នុងឆមាសនេះ ។

បន្ទាប់ពីការគណនាខាងលើនេះ អ្នកច្បាស់ជាបានយល់ហើយថា GPA វាជាតួលេខដែលគេនឹងប្រើប្រាស់សម្រាប់វាយតម្លៃនរណាម្នាក់ពីប្រវត្តិនៃការសិក្សា ជាសិស្សឧស្សាហណ៍ ពូកែខិតខំរៀនសូត្រ រឺ ខ្ជិលគឺនៅត្រឹមតួលេខ 2.0 រឺ 4.0 នៃ GPA នេះឯង ! សូមកុំភ្លេចថាក្រៅពី​ GPA នេះនៅមាន CGPA (Cumulative GPA) ដែលវាតួលេខបង្គរសម្រាប់វាស់ស្ទង់ GPA មួយចប់កម្មវិធីសិក្សារឺបើជាថ្នាក់បរិញ្ញាប័ត្រទូទៅអាចថា CGPA វាស់ GPA រយៈពេលបួនឆ្នាំពេញ ដូច្នេះត្បិតតែអ្នកមាន GPA ល្អក្នុងឆ្នាំទីមួយតែមិនបន្តខិតខំប្រឹងប្រែងសម្រាប់ឆ្នាំបន្តបន្ទាប់ក៏មិនប្រាកដថា CGPA ចុងក្រោយអ្នកបានពិន្ទុខ្ពស់បានដល់ 4.0 ដែរ វាក៏យុត្តិធម៌សម្រាប់សិស្ស-និស្សិតដែលភ្លាត់ខ្លួនមិនបានខិតខំរៀនសូត្រពីដើមទីមកអាចចាប់ផ្តើមខិតខំបានក្នុងឆមាសរឺឆ្នាំបន្ទាប់ព្រោះ GPA ទាបពីឆ្នាំមូលដ្ឋានមិនប្រាកដថាពេលចប់ទៅ CGPA អ្នកនៅតែទាបទេ ។

❓ហេតុអ្វីបានជា GPA សំខាន់ ?

អ្នកប្រហែលជាធ្លាប់បានដឹងខ្លះហើយពីសារៈសំខាន់របស់វាតែជាខ្លីៗ៖

1. ឳកាសបានទទួលអាហារូបករណ៍រៀនក្រៅប្រទេស
2. ឳកាសការងារក្នុងក្រុមហ៊ុនលំដាប់អន្តរជាតិ
3. ឳកាសដាក់យក Exchange Program
4. ឳកាសបានរៀនជំនាញឯកទេសមួយចំនួន (ត្រូវបានផ្លាស់ប្តូរក្រោយកំណែទម្រង់ប្រព័ន្ធអប់រំឆ្នាំ ២០១៤ ដែលសិស្សមិនចាំបាច់និទ្ទេសល្អក៏អាចរៀនពេទ្យបាន)

ជារួមអាចនិយាយយ៉ាងខ្លីថា GPA ខ្ពស់ប្រៀបបានដូចជាកូនសោររឺស្ពានចម្លងអ្នកទៅដល់ត្រើយម្ខាងនៃភាពជោគជ័យអញ្ចឹង ។
ពិតណាស់ GPA ខ្ពស់វាល្អព្រោះអន់បំផុតនៅពេលជួបនរណាម្នាក់ដំបូងយើងអាចវាយតម្លៃពីកម្រិតនៃការយល់ដឹង និង ប្រវត្តិសិក្សារបស់គេថាជាបុគ្គលដែលខិតខំរឺអត់តែ GPA ខ្ពស់រឺទាបមិនបានប្រាប់ពីអត្តចរិកបុគ្គល ភាពចេះជួយយកអាសារគ្នាក្នុងសង្គមឡើយ ! ពេលខ្លះសិស្សនិស្សិតអាចខិតខំរៀនណាស់តែដោយសារខ្សោយមូលដ្ឋានពីថ្នាក់ទាបទើបមិនអាចប្រលងបានពិន្ទុល្អនៅសាកលវិទ្យាល័យ ពេលខ្លះទៀតសាកលវិទ្យាល័យខ្លះមានភាពធូររលុងខ្លាំងពេក សិស្សអាចលួចចម្លងបានក្នុងពេលប្រលងរឺយើងហៅថាចម្លងឆមាស ក៏ជាហេតុផលអយុត្តិធម៌ផងដែរដែលសិស្សមិនខំសោះបាន GPA ខ្ពស់ រឺ រឿងហួសចិត្តមួយទៀតក្នុងសាលាមួយ មុខវិជ្ជាដូចគ្នាតែប៉ះគ្រូពិន្ទុតឹង និង ធូរ ក៏ធ្វើអោយ GPA មិនមានសុក្រិតភាពក្នុងការវាស់ស្ទង់សមត្ថភាពសិស្ស ។ ដូច្នេះកុំបារម្ភក៏សុំនិយាយការពិតបន្តិចទៅចុះមុខវិជ្ជាមួយចំនួនមិនត្រូវបានប្រើប្រាស់ពេលចេញធ្វើការជាក់ស្តែងទេ ហើយ ក្រុមហ៊ុនធំៗនៅពេលសំភាសបុគ្គលិកចូលតែងមានលំហាត់តក្កវិទ្យា និង ថ្លឹងថ្លែងហេតុផល IQ Test & Logical Reasoning បន្ទាប់មកគេតេស្តសួរពីអត្តចរិករបស់អ្នក របៀបរបបធ្វើការងារជាក្រុម ត្បិតតែ GPA ខ្ពស់ក៏ពិតមែនតែបើចរិកមិនកើតហើយរបៀបរបបការងារក្រុមក៏មិនសូវល្អ គេអាចដឹងថាអ្នកកាលនៅរៀនគិតតែប្រយោជន៍ផ្ទាល់ខ្លួន មិនគិតពីប្រយោជន៍រួម មិនសូវដឹងពីរបៀបរបបធ្វើការជាក្រុមទេ ។

« GPA សំខាន់ តែ GPA មិនមែនជាអ្វីៗគ្រប់យ៉ាងទេ»

ដែលគិតថាខ្លួនខ្សោយគណិតវិទ្យាទេ ? បើខ្សោយគណិត ជីវិតបរាជ័យរឺ ?​ចុចអាននៅទីនេះ៖ https://www.facebook.com/CamboFinance/posts/1090424491452279

24/08/2026

សេចក្តីជូនដំណឹង ស្តីពីអាហារូបករណ៍របស់រដ្ឋាភិបាលនៃសាធារណរដ្ឋឆែក សម្រាប់ឆ្នាំសិក្សា ២០២៧–២០២៨ 🇨🇿🎓

សហព័ន្ធនិស្សិតកម្ពុជានៅបរទេស (CamStudent) សូមជម្រាបជូនដល់និស្សិត អ្នកស្រាវជ្រាវ យុវជន និងសាធារណជនកម្ពុជាឱ្យបានជ្រាបថា រដ្ឋាភិបាលនៃសាធារណរដ្ឋឆែក បានបើកទទួលពាក្យអាហារូបករណ៍ជាផ្លូវការ សម្រាប់ឆ្នាំសិក្សា ២០២៧–២០២៨ ចាប់ពីថ្ងៃទី ២១ ខែសីហា ដល់ថ្ងៃទី៣០ ខែកញ្ញា ឆ្នាំ២០២៦ សម្រាប់ប្រជាជនកម្ពុជា ដែលនឹងសិក្សាជាភាសាអង់គ្លេស។

អាហារូបករណ៍នេះជាផ្នែកមួយនៃកិច្ចសហប្រតិបត្តិការអភិវឌ្ឍន៍បរទេសរបស់សាធារណរដ្ឋឆែក ដែលមានគោលបំណងគាំទ្រដល់ការសិក្សារបស់ពលរដ្ឋមកពីប្រទេសកំពុងអភិវឌ្ឍន៍ នៅតាមគ្រឹះស្ថានឧត្តមសិក្សាសាធារណៈនានានៅសាធារណរដ្ឋឆែក។ នៅក្នុងតំបន់អាស៊ាន កម្ពុជាគឺជាប្រទេសតែមួយគត់ដែលមានឈ្មោះក្នុងបញ្ជីប្រទេសមានសិទ្ធិដាក់ពាក្យសម្រាប់ឆ្នាំសិក្សា 🇰🇭🤝🇨🇿

🎓 កម្រិត និងរយៈពេលសិក្សា
សម្រាប់បេក្ខជនកម្ពុជា អាចដាក់ពាក្យសម្រាប់កម្មវិធីសិក្សាជាភាសាអង់គ្លេស ដែលមាន៖
១. ថ្នាក់បរិញ្ញាបត្រជាន់ខ្ពស់ (Master’s Degree)
- រយៈពេលសិក្សា៖ ២ ឆ្នាំ
- សិក្សាជាភាសាអង់គ្លេស តាមកម្មវិធីសិក្សាដែលបានកំណត់
- ទទួលបានប្រាក់ឧបត្ថម្ភប្រចាំខែចំនួន ១៦,០០០ CZK

២. ថ្នាក់បណ្ឌិត (Doctoral/PhD)
- រយៈពេលសិក្សា៖ ៣–៤ ឆ្នាំ តាមកម្មវិធី និងលក្ខខណ្ឌរបស់សាកលវិទ្យាល័យ
- សិក្សាជាភាសាអង់គ្លេស តាមកម្មវិធីសិក្សាដែលបានកំណត់
- ទទួលបានប្រាក់ឧបត្ថម្ភប្រចាំខែចំនួន ២៤,៩៦០ CZK
- ប្រាក់ឧបត្ថម្ភអាចមានការកែសម្រួលតាមបទប្បញ្ញត្តិ និងការកំណត់របស់រដ្ឋាភិបាលនៃសាធារណរដ្ឋឆែក។

📌 ចំណាំ៖ មិនមែនគ្រប់មុខជំនាញទាំងអស់នៅគ្រប់សាកលវិទ្យាល័យសុទ្ធតែស្ថិតក្នុងកម្មវិធីអាហារូបករណ៍នេះទេ។ បេក្ខជនគួរពិនិត្យបញ្ជីកម្មវិធីបរិញ្ញាបត្រជាន់ខ្ពស់ និងបណ្ឌិតដែលមានសិទ្ធិ មុនពេលជ្រើសរើសមុខជំនាញ។

📝 លក្ខខណ្ឌសំខាន់ៗ
- បេក្ខជនថ្នាក់បរិញ្ញាបត្រជាន់ខ្ពស់ ត្រូវបញ្ចប់ការសិក្សាថ្នាក់បរិញ្ញាបត្រ។
- បេក្ខជនថ្នាក់បណ្ឌិត ត្រូវបញ្ចប់ការសិក្សាថ្នាក់បរិញ្ញាបត្រជាន់ខ្ពស់។
- បេក្ខជនសម្រាប់កម្មវិធីសិក្សាជាភាសាអង់គ្លេស ត្រូវធ្វើ Online English Language Test នៅក្នុងដំណើរការដាក់ពាក្យ ដើម្បីបញ្ជាក់សមត្ថភាពភាសាអង់គ្លេស។
- បេក្ខជនម្នាក់អាចចុះឈ្មោះបាន តែមួយលើក និងដាក់ពាក្យបានតែមួយ។
- ពាក្យសុំត្រូវបានចាត់ទុកថាបំពេញពេញលេញ លុះត្រាតែបេក្ខជនបានបំពេញ Motivation Letter និងតេស្តចាំបាច់ទាំងអស់។

⭐ ត្រៀម Motivation Letter ឱ្យបានល្អ
Motivation Letter គឺជាផ្នែកសំខាន់មួយនៃពាក្យស្នើសុំ។ បេក្ខជនគួរចាប់ផ្តើមរៀបចំជាមុន ដោយផ្តោតលើខ្លឹមសារដែលច្បាស់លាស់ និងមានគោលដៅ ដូចជា៖
- ហេតុអ្វីបានជាចង់សិក្សានៅសាធារណរដ្ឋឆែក?
- ហេតុអ្វីជ្រើសរើសមុខជំនាញ និងកម្មវិធីសិក្សានោះ?
- តើបទពិសោធន៍ និងចំណេះដឹងរបស់ខ្លួនមានភាពពាក់ព័ន្ធយ៉ាងដូចម្តេច?
- តើការសិក្សានេះនឹងជួយដល់គោលដៅអាជីព និងការរួមចំណែកដល់កម្ពុជាយ៉ាងដូចម្តេច?
គួរសរសេរឱ្យខ្លី ខ្លឹម ច្បាស់ និងមានអត្ថន័យ ជាជាងសរសេរវែងដោយគ្មានចំណុចសំខាន់។

📅 កាលបរិច្ឆេទដាក់ពាក្យ
🗓️ បើកទទួលពាក្យ៖ ថ្ងៃទី២១ ខែសីហា ឆ្នាំ២០២៦
⏰ ផុតកំណត់៖ ថ្ងៃទី៣០ ខែកញ្ញា ឆ្នាំ២០២៦
ការដាក់ពាក្យត្រូវធ្វើតាមប្រព័ន្ធអេឡិចត្រូនិក ហើយបេក្ខជនត្រូវបំពេញពាក្យស្នើសុំ និងតេស្តចាំបាច់ឱ្យបានពេញលេញ មុនថ្ងៃផុតកំណត់។

📌 សហព័ន្ធនិស្សិតកម្ពុជានៅបរទេស សូមលើកទឹកចិត្តដល់ និស្សិត យុវជន អ្នកស្រាវជ្រាវ និងអ្នកជំនាញកម្ពុជា ដែលមានបំណងបន្តការសិក្សាថ្នាក់បរិញ្ញាបត្រជាន់ខ្ពស់ ឬបណ្ឌិត ឱ្យចាប់ផ្តើមត្រៀមខ្លួន និងសិក្សាព័ត៌មានលម្អិតពីពេលនេះ។

ការត្រៀមខ្លួនជាមុន ដូចជា ការជ្រើសរើសកម្មវិធីសិក្សា ការរៀបចំឯកសារ ការត្រៀម Motivation Letter និងការត្រៀមសម្រាប់តេស្តដែលត្រូវការ នឹងជួយឱ្យបេក្ខជនអាចដាក់ពាក្យបានទាន់ពេល និងមានភាពរួចរាល់ជាងមុន។

📌 ព័ត៌មានលម្អិតអំពីលក្ខខណ្ឌ បញ្ជីកម្មវិធីសិក្សា និងតំណភ្ជាប់ដាក់ពាក្យ សូមពិនិត្យ: https://msmt.gov.cz/en/scholarships/government-scholarships-developing-countries?fbclid=IwY2xjawT3eohwZG9mBWV4dG4DYWVtAjEwAGJyaWQRMTZIYldtV3RaWkpGZjVYdHNzcnRjBmFwcF9pZBAyMjIwMzkxNzg4MjAwODkyAAEeCO8QjiAuGeE_GQjzYlPpx1o6uaiNn8RdCZTRjAZYbmMHfW1BbhWU7z0BH0o_aem_2ImRsDoJfprKbQrDIBqnXg

⭐ សម្រាប់ការដាក់ពាក្យ៖ https://www.studyin.cz/
សូមបង្កើតគណនី ឬ Account ជាមុនសិន

Cambodian Students' Association in the Czech Republic - CSAC

#ដំណឹងអាហារូបករណ៍ #បរិញ្ញាបត្រជាន់ខ្ពស់ #បណ្ឌិត

–

22/08/2026

ភ្នំពេញ៖ ស្ថានទូតអាម៉េរិកប្រចាំកម្ពុជា បានប្រកាសជ្រើសរើសយុវជនកម្ពុជា ជាពិសេសនិស្សិតមហាវិទ្យាល័យ ឱ្យចូលហាត់ការក្នុងស្ថានទូតអាម៉េរិកនៅកម្ពុជា។ យុវជនដែលជាប់ការហាត់ការ នឹងទទួលបានបទពិសោធមន៍ការងារជាក់ស្តែង អាចអភិវឌ្ឍជំនាញវិជ្ជាជីវៈ និងស្វែងយល់អំពីការងារការទូត។

បើតាមស្ថានទូតអាម៉េរិក ការហាត់ការនេះ តម្រូវជាពលរដ្ឋ ឬអ្នករស់នៅស្របច្បាប់អចិន្ត្រៃយ៍នៃប្រទេសកម្ពុជា ដែលមានអាយុយ៉ាងតិច ១៨ ឆ្នាំ ហើយត្រូវតែបញ្ចប់ការសិក្សាពីវិទ្យាល័យ ឬសមមូលមុនពេលចាប់ផ្តើមកម្មវិធីនេះ។ បន្ថែមពីនេះ បេក្ខជន ត្រូវតែជានិស្សិតសកម្មនៅស្ថាប័នឧត្តមសិក្សា និង​ត្រូវតែអាចធ្វើការរហូតដល់ចុងខែមេសា ឆ្នាំ ២០២៧ ហើយមិនត្រូវជាបុគ្គលិកនៃបេសកកម្មសហរដ្ឋអាមេរិកនោះទេ។

សូមបញ្ជាក់ថា បេក្ខជនដែលធ្លាប់ចូលរួមហាត់ការម្តងហើយ មិនអាចចូលកម្មវិធីម្តងទៀតបានទេ ប៉ុន្តែបេក្ខជនដែលមិនទទួលបានជោគជ័យពីអតីតកាល អាចដាក់ពាក្យសុំឡើងវិញសម្រាប់កម្មវិធី។ ទន្ទឹមនឹងនេះ បេក្ខជនគ្រប់ជំនាញអាចដាក់ពាក្យបាន ហើយបេក្ខជននឹងត្រូវធ្វើតេស្តកម្រិតភាសាខ្មែរ និងអង់គ្លេស។ ដើម្បីដាក់ពាក្យ បេក្ខជនត្រូវបំពេញបែបបទកម្មវិធី ហើយត្រូវការលិខិតព្រឹត្តិបត្រពិន្ទុពីឆមាសចុងក្រោយដែលបង្ហាញពីស្ថានភាពសិក្សាល្អ លិខិតបញ្ជាក់ការសិក្សាពីសាលា និងអត្តសញ្ញាណប័ណ្ណជាតិ។

15/08/2026

ចំនួនរាជធានី/ខេត្ត ក្រុង/ស្រុក/ខណ្ឌ សង្កាត់/ឃុំ ភូមិ ទូរទាំងប្រទេសកម្ពុជា

15/08/2026

លទ្ធផលបាក់ឌុបឆ្នាំ1980ដល់ឆ្នាំ2022

14/08/2026

[English Below}

អាហារូបករណ៍ ចាប់បើកហើយ!

ប្រសិនបើអ្នកជាអ្នកដឹកនាំនាពេលអនាគតដែលត្រៀមខ្លួនរួចជាស្រេចដើម្បីជះឥទ្ធិពលដល់ការផ្លាស់ប្តូរជាវិជ្ជមាននៅក្នុងវិស័យអាទិភាពរួមសម្រាប់ប្រទេសកម្ពុជា និងព្រីតថេន នេះអាចជាឱកាសដែលអ្នករង់ចាំជាយូរមកហើយ។

ជាមួយនឹងអាហារូបករណ៍ Chevening អ្នកនឹងទទួលបាន៖
🎓 ការអប់រំលំដាប់ពិភពលោក
🤝 ទំនាក់ទំនងពេញមួយជីវិតជាមួយព្រីតថេន
🌎 ការចូលទៅកាន់បណ្តាញសកលនៃអ្នកដឹកនាំដែលមានឥទ្ធិពល

ដាក់ពាក្យឥឡូវនេះ៖ https://www.chevening.org/scholarship/cambodia/

អាហារូបករណ៍នេះនឹងបិទនៅថ្ងៃអង្គារ ទី៦ ខែតុលា វេលាម៉ោង ៦:០០ ល្ងាច ម៉ោងនៅកម្ពុជា។

---

Applications for Scholarships are now open!

If you’re a future leader who’s ready to influence positive change in areas of shared priority for Cambodia and the UK, this could be the opportunity you’ve been waiting for.

With a Chevening Scholarship, you’ll gain:
🎓 A world-class education
🤝 A lifelong relationship with the UK
🌎 Access to a global network of influential leaders

Apply now: https://www.chevening.org/scholarship/cambodia/

Applications close on Tuesday 6 October at 6:00 PM Cambodia Time.

14/08/2026

កម្មវិធីអាហាររូបករណ៍ Fulbright Foreign Student Program សម្រាប់អ្នកចង់បន្តការសិក្សានៅសហរដ្ឋអាមេរិក ថ្នាក់អនុបណ្ឌិត ឬថ្នាក់បណ្ឌិត។ដើម្បីដឹងពេលវេលាដែលគេបើកទទួលអាហាររូបករណ៍ យើងត្រូវតាមដាន page U.S. Embassy Phnom Penh, Cambodia

14/08/2026

អាហាររូបករណ៍នៅប្រទេស Switzerland🇨🇭