Nam Taam

30/04/2026

ခင်ဖုန်းသက်ဝေရေ
ခွင့်လွှတ်နိုင်ရင် ကျေအေးစေချင်တယ်။

ရှေ့ကိုသွားနေတဲ့ ရထားမှာ
နောက်ပြန် ထိုင်စီးရင်း
ဝေးကွာခြင်းဆိုတာကို ပိုနားလည်လာရတယ်။

မေနဲ့ဩဂုတ်မှာ
အရင်လေတွေ တိုက်ရင်
အရင်ပန်းတွေပဲ ပွင့်ကြဦးမှာပါ။

ပုံပြင်မစခင် ပုံပြင်လေးထဲမှာ
ကောင်းကင် ဘာအရောင်လဲဆိုတာ
မှတ်မိနေသေးရင်
ကျွန်တော့်ကို မမေ့သေးဘူးဆိုတာ
ကိုယ့်ဘာသာ ယုံကြည်လိုက်ပါ့မယ်။

#သန်းတင့်

27/04/2026

ဆံပင်ရှည်ထားချင်တဲ့ ညီမလေးတွေအတွက် ဒီက အမသုံးတာ အဆင်ပြေတဲ့ ပစ္စည်းလေးတွေနဲ့ နည်းလေးတွေပါ
အမဆံပင်က နဂိုထဲက ပျော့ပြီး ပါးပါတယ် သူများတွေလို ကျစ်ဆံမြီးကျစ်ပြီး ဆံပင် ကောက်အောင် ဘယ်လောက်လုပ်လုပ် ဘယ်တော့မှ မကောက်ပါဘူး
အရင် သီလရှင်မဝတ်ခင် ဆံပင်က ခါးအောက်ထိရောက်ပါတယ် အဲ့အရှည်လောက်ထိဆို ဆံပင်က ဖြောင့်စရာမလိုပဲ original အဖြောင့်ဖြစ်တာပါ အဲ့တုန်းက သုံးတဲ့ Shampoo က Head & Shoulders အစိမ်းရောင်ပါ Menthol ပါတဲ့ shampoo နဲ့ အဲ့တုန်းက အသစ်ထွက်တဲ့ Apple fresh ပါ တကယ်က Head & Shoulders ဆို အပြာရောင်ပိုကြိုက်ပါတယ် အပြာက ကိုယ်နေတဲ့နေရာက အထုပ်ရောင်းတာ မရှိတာများလို့ပါ (ဘူးဝယ်သုံးရင်ကျ အထုပ်သုံးရတာထက်အကုန်မြန်လို့ အဲ့တုန်းက မသုံးဖြစ်)
နောက်တခုက Hair Coat ကို Silk Coat က အောက်မှာ ပါတဲ့ အစိမ်းရောင် ဘူး size ပဲ သုံးပါတယ် ဘူးအကြီးလာပေမယ့် ဘူးအကြီး လိမ်းရတာက အသေးလိမ်းရတာလောက်အဆင်ပြေတယ်မခံစားရလို့ပါ အသေးကိုတော့ လေးငါးနှစ်ကို အဲ့တမျိုးထဲသုံးခဲ့တာပါ အရင်ကတော့ conditioner သိပ်မသုံးဖြစ်ပါဘူး ဘာလို့ဆို အရမ်းသုံးရင်လည်း ဆံသားပျက်စီးမှာစိုးလို့ပါ
ဆံပင်ရှည်လာလို့ နှစ်ခွ ဖြစ်လာရင် ကိုယ့်ဘာသာကိုယ် လက်တစ်ဆစ်လောက် တစ်လခွဲ တခါလောက် ကတ်ကြေးနဲ့ ညှပ်ပစ်ပါတယ် ဆံပင်ကို မနက် အိပ်ရာထတာနဲ့ ဆံပင်ကို အချိန်ပေးပြီး ရှင်းပါတယ် ညဘက်ကိုလည်း တခါတလေ ခေါင်းဖြီးပြီးမှ အိပ်ပါတယ် 😐 ဆံပင်ကိုလည်း ရှည်တုန်းက နှစ်ရက်ခြားတခါလောက်လျှော်ပါတယ် Hair Coat လိမ်းတိုင်း ဆံသားကိုလည်း လိမ်းသလို အဖျားကိုလည်း များများလေးလိမ်း‌ပါတယ်
အခုကကျ Horse oil shampoo and conditioner သုံးဖြစ်ပါတယ် အရမ်းကြိုက်ပါတယ် conditioner ကိုတော့ ‌အခုတလော ခေါင်းလျှော်တိုင်းသုံးဖြစ်နေပါတယ် Hair Coat ကကျ Eushido က အကောက်သမားလိမ်းတဲ့ ပန်းရောင်ဘူးခွံနဲ့ဟာလေးသုံးပါတယ် အရင်က eushido က ပစ္စည်းတွေ မကြိုက်ပေမယ့် ဒါလေးကတော့ တကယ်သုံးရအဆင်ပြေသောမလို့ပါ
Horse oil shampoo and conditioner နဲ့လျှော်ပြီး Eushido hair coat လေး လိမ်းလိုက်ရင်ကို ဆံပင်ကျွတ်တာ အတော်သက်သာသွားပါတယ် ဒါတောင် ခုက အရောင်ဆိုးထားသေးတာကို အဲ့သုံးခုသုံးတာ အတော်ကို ဆံပင်ကျွတ်သက်သာသွားလို့အတော့ကိုကြိုက်နေတာရယ်ပါ
Horse oil shampoo က conditioner ဘူးဘေးက အညိုရောင်ဘူးပါ သူငယ်ချင်းညီမလေး လက်ဆောင်ပေးလို့သုံးရင်းကြိုက်သွားတာပါ

17/12/2025

မမေ့နိုင်တာ သေချာနေခဲ့လည်း
ကျွန်တော်တို့ လက်လွှတ်ပေးခဲ့ကြတာပဲ။
ကိုယ့်မှာ ဘာတွေဘယ်လိုဘဲ နာကျင်ရသည်ဖြစ်စေ
အဲ့ဒီတစ်ယောက်ကိုတော့ ပျော်စေချင်ခဲ့တာကိုး။

#မိုးနေ့

14/12/2025

ကုသိုလ်ရှိသလောက် ချစ်ခွင့်ရချင်တယ်
အကုသိုလ်ရှိသလောက် ရက်စက်ပါ
သံသရာစက်ဝိုင်းကြီးထဲ မင်းကိုပဲ
ခလုတ်တိုက်ချင်တယ်။
#ဆန်းကျော်စွာဝင်း

14/12/2025

တိမ်တွေကို ကြည့်ပါ
လယ်ကွင်းတွေကို ကြည့်ပါ
ပြတင်းပေါက်ရှိတဲ့အိမ်မှာ နေပါ။

လက်ဖက်ရည်ဆိုင် ထိုင်ပါ
ဘ၀ကို တစ်ငုံစီ သောက်ပါ
သီချင်းတွေနဲ့ ရန်မဖြစ်ပါနဲ့။

ဖြတ်သွားဖြတ်လာတွေကို ငေးမော
ရာဇဝင်ကို ငေးမော
မိမိကိုယ်မိမိ ငေးမောပေါ့။

နေရောင်ခြည် နောက်ကျတတ်တယ်
သတင်းစာ နောက်ကျတတ်တယ်
ချိန်းထားတဲ့သူဟာလည်း ...
နောက်ကျတတ်တာပါပဲ။ ။

▪️ သစ္စာနီ(မနက်ခင်းဩဝါဒ)

13/12/2025

☁️☁️☁️

12/12/2025

12/12/2025

12/12/2025

ချစ်ရတဲ့အကြောင်းလေးတွေကို
တဖွဖွ ပြောပြချင်တယ် ။
သတိရ ကြောင်း လွမ်း ကြောင်း
ကိုယ့်ရှိတဲ့အရပ်မှာ တိမ်တွေ လှကြောင်း
မင်းရှိတဲ့ အရပ်ကို အေးချမ်းစေလိုကြောင်း
စတဲ့အကြောင်းအရာလေးတွေ
ပြောပြဖို့ ကိုယ်တို့ တွေ့ကြမလား ။

🌻🤍

10/12/2025

ဘာဖြစ်နေတယ်ဆိုတာ ပြောပြဖို့
ဘာဖြစ်နေလဲဆိုတာ သိရဖို့
တကယ် အရေးကြီးပါတယ်
ငါတို့ တကယ် မသိရင်
ငါတို့ ဘာကို နားလည်ကြမလဲ

ဆက်သွယ်ပါ ... ။ ။

-မြကျေး-
-ဧရိယာပြင်ပ-