14/07/2026
ငွေ (၅) သိန်းနဲ့ ဖုန်း (၂) လုံးအတွက်... သက်တော် (၇၅) နှစ်အရွယ် ဆရာတော်ကြီးကို အသက်ပါတဲ့အထိ လုပ်ရက်ခဲ့ကြသူများ
လောဘစိတ် ဖုံးလွှမ်းသွားတဲ့အခါ လူတွေဟာ ဘယ်လောက်တောင် ရက်စက် ကြမ်းကြုတ်သွားနိုင်လဲ ဆိုတာကို ပြသနေတဲ့ ရင်ကွဲပက်လက် ဖြစ်ရလောက်တဲ့ ဖြစ်ရပ်မှန် သတင်းတစ်ခုကို ဝမ်းနည်းစွာနဲ့ တင်ဆက်ပေးလိုက်ပါတယ်။
😭 ငွေ ၅ သိန်းအတွက် ပေးဆပ်လိုက်ရတဲ့ အသက်
ဖြစ်စဉ်ကတော့ ပြီးခဲ့တဲ့ ဇူလိုင်လ (၂) ရက်နေ့က ရန်ကုန်တိုင်း၊ မှော်ဘီမြို့နယ်၊ စန္ဒကူးမြိုင် ရိပ်သာကျောင်းတိုက်မှာ ဖြစ်ပွားခဲ့တာပါ။ အဆိုပါ ကျောင်းတိုက်မှာ သီတင်းသုံးနေတဲ့ သက်တော် (၇၅) နှစ်၊ ဝါတော် (၁၅) ဝါရှိပြီဖြစ်တဲ့ ကျောင်းထိုင်ဆရာတော် ဒေါက်တာ ဖေဉာဏ် (ခ) ဦးပညာဝံသ ဟာ ကျောင်းဆောင်အတွင်းမှာ ရက်ရက်စက်စက် အန္တရာယ်ပြုခံရပြီး ပျံလွန်တော်မူသွားခဲ့ပါတယ်။ ဆရာတော်ရဲ့ ဖုန်း (၂) လုံးနဲ့ ငွေကျပ် (၅) သိန်းလည်း ပျောက်ဆုံးသွားခဲ့ပါတယ်။
😱 အလွတ်မပေးဘဲ ဖမ်းဆီးနိုင်ခဲ့တဲ့ တရားခံ (၅) ဦး
ဒီလို ရင်နာစရာကောင်းတဲ့ ဖြစ်ရပ်ကို ကျူးလွန်ခဲ့သူတွေ အမြန်ဆုံး ဖော်ထုတ်နိုင်ဖို့ အထူးအမှုစစ်အဖွဲ့က အပူတပြင်း စုံစမ်းခဲ့ရာမှာတော့... ဇူလိုင်လ (၁၁) ရက်နဲ့ (၁၂) ရက်နေ့တွေမှာ ပြစ်မှုကျူးလွန်သူ လူငယ် (၅) ဦးစလုံးကို သက်သေခံ ပစ္စည်းတွေနဲ့အတူ အသီးသီး အမိဖမ်းဆီးနိုင်ခဲ့ပြီ ဖြစ်ပါတယ်။
ဖမ်းဆီးရမိသူတွေကတော့ အဲ့ဒီနယ်မြေမှာ ပန်းရံလုပ်ကိုင်နေကြတဲ့ သက်ပိုင်ထွန်း(ခ)ပိုင်လေး၊ စိုးရာဇာ(ခ)စိုးဝင်းကျော်၊ ဝေယံနိုင်(ခ)ဝေယံ၊ တိုးဝင်းကျော်(ခ)ကုလား နဲ့ စိုးထက်(ခ)အေကေတီ တို့ပဲ ဖြစ်ပါတယ်။
💔 ရင်နာစရာကောင်းတဲ့ သူတို့ရဲ့ ထွက်ဆိုချက်
သူတို့ (၅) ဦးဟာ ငွေကြေးအဆင်မပြေတာကြောင့် ဆရာတော်ကြီးရဲ့ ကျောင်းတိုက်ကို ည (၁၀) နာရီအချိန်မှာ ဝင်ရောက်ခိုးယူဖို့ တိုင်ပင်ခဲ့ကြတာပါ။ ကျောင်းဆောင်ထဲ ရောက်တဲ့အချိန် ဆရာတော်ကြီးက နိုးနေပြီး သူတို့ကို မြင်တွေ့သွားခဲ့တဲ့အတွက်... ဖုံးကွယ်ချင်တဲ့ စိတ်နဲ့ အသင့်ပါလာတဲ့ လက်နက်တွေသုံးပြီး ဆရာတော်ကြီးကို ရက်ရက်စက်စက် အန္တရာယ်ပြုခဲ့ကြတယ်လို့ ထွက်ဆိုထားပါတယ်။
အဲ့ဒီနောက်မှာတော့ ဖုန်း (၂) လုံးနဲ့ ငွေ (၅) သိန်းကို ယူဆောင်ပြီး သူတို့အချင်းချင်း ခွဲဝေယူခဲ့ကြတာပါ။ (လက်ရှိမှာတော့ ခိုးယူသွားတဲ့ ဖုန်းတွေနဲ့ ပြစ်မှုကျူးလွန်ရာမှာ အသုံးပြုခဲ့တဲ့ သက်သေခံ ပစ္စည်းတွေကိုပါ ရေမြောင်းထဲကနေ ပြန်လည် သိမ်းဆည်းရမိထားပြီ ဖြစ်ပါတယ်)။
ဖုန်းလေး (၂) လုံးနဲ့ ငွေ (၅) သိန်းအတွက် သံသရာ အပြစ်ကြီးမယ့် အလုပ်ကို လုပ်ခဲ့ကြတဲ့ သူတို့ (၅) ဦးစလုံး အခုတော့ ဥပဒေနဲ့အညီ ထိရောက်စွာ အရေးယူခံရတော့မှာပါ။ ဆရာတော်ကြီး ကောင်းရာသုဂတိ လားစေဖို့နဲ့... ပြစ်မှုကျူးလွန်သူတွေ ဘယ်တော့မှ လွတ်ကင်းခွင့် မရဘူးဆိုတာကို အားလုံးသိရှိအောင်သတိပေးလိုက်ကြပါဦးနော်။
