เว็บไซต์คืออะไร?

https://www.facebook.com/1824929841115821/

Sa Oo Thu - Nature Gallery

📸 Birds • Landscapes • Nature Moments

14/06/2026

တစ်ခါတလေ ငှက်ဓါတ်ပုံတင်ပြီး မန့်တွေ လိုက်ဖတ်တဲ့ အခါ အဖွဲ့နှစ်ဖွဲ့ ကွဲသွားတာ တွေ့ရတယ်။

“အခုမှ မြင်ဖူးပါတယ် ဆိုတဲ့ အဖွဲ့ “ နဲ့ “ငှက်နာမည်အမျိုးမျိုးရေးပြီး မဟုတ်ဘူး လိုက်ငြင်းတဲ့ အဖွဲ့ “ … ဘယ်အဖွဲ့ထဲ ပါလဲ ပြောကြည့် …. 😁😂🤭

စတာပါ အပျော်သဘော … ရေးတာ … အောက်ကငှက်လေးကရော ဘာငှက်လေးလဲ … မှန်အောင် ဖြေနော် ❤️❤️❤️

13/06/2026

တွေ့လိုက်တိုင်း အုပ်စုလိုက် မြူးကြွနေတတ်တဲ့ ငှက်ပိစိလေးတွေ … ငှက်သမားအခေါ်ကတော့ welcome bird လေးတွေပေါ့ …

တောပန်းတွေပွင့်ချိန် သူတို့လေးတွေ မြူးကြပြီဆိုမှ တခြားငှက်မျိုးစုံ ရောက်လာတတ်ကြတာ … သစ်ပင်တစ်ပင် ငှက်ငယ်မျိုးစုံရောက်လာပြီဆို ဓါတ်ပုံရိုက်ရတာ ပျော်ဖို့ကောင်းတယ် … ❤️❤️❤️

ID - Indian white-eye
မြန်မာအမည် - မျက်ကွင်းဖြူငှက်

13/06/2026

ကျွန်တော့် အိမ်နောက်ဖှေးက ပိတောက်ပင်ပေါ် အလည်လာလေ့ရှိတဲ့ငှက်လေး … မြန်မာလိုဆို “လင်းဝက်” လို့ခေါ်ကြတယ်။

ထူးခြားချက်ကတော့ ကမ္ဘာပေါ်မှာ အကျယ်ပြန့်ဆုံး ပျံ့နှံ့နေထိုင်ကြတဲ့ ငှက်တွေထဲမှာ ပါတယ်။ နောက်တစ်ခုကတော့ တခြား Heron (ငဟစ်) ငှက်တွေလိုပဲ သားကောင်ကို လှုပ်ရှားမှုမရှိဘဲ စိတ်ရှည်ရှည်နဲ့ ချောင်းမြောင်းဖမ်းဆီးတတ်တဲ့ အမဲလိုက်သမားကောင်းတွေပေါ့။

Night Heron လို့ နာမည်ပေးထားတာကလည်း ဒီငှက်တွေက ညဘက်နဲ့ မှောင်ရီပျိုးစအချိန်တွေမှာ ပိုပြီး တက်ကြွလှုပ်ရှားလေ့ရှိကြတယ်။ မြန်မာမှာတော့ တစ်နိုင်ငံလုံး တွေ့ရနိုင်ပါတယ်။ မိတ်ဆွေတို့ရော မြင်ဖူးကြတယ် မဟုတ်လား … ?

ID - Black-crowned Night Heron
မြန်မာအမည် - လင်းဝက်

12/06/2026

ရာသီဥတုကလည်း မိုးလေးတဖျောက်ဖျောက်နဲ့ဆိုတော့ သီချင်းလေးဖွင့်၊ ဓာတ်ပုံလေးတွေကြည့်ရင်း ရေခဲသေတ္တာထဲက အမေမသိအောင် ခိုးထည့်ထားတဲ့ ဘီယာဘူးလေး ယူပြီး… ဟိုလွမ်းဒီလွမ်း လျှောက်လွမ်းမိပြန်ပါပြီ… ❤️❤️❤️

ID - Red Avadavat
မြန်မာအမည် - စာပတီးနီ / စာနီ

12/06/2026

ဒီငှက်လေးက တခြားငှက်တွေနဲ့ မတူကွဲပြားတဲ့ အရောင်ကြောင့်ပဲ မြင်တာနဲ့ တန်းပြီး မှတ်မိလွယ်ပါတယ်။

Flycatcher ငှက်တွေရဲ့ သဘာဝအတိုင်းပဲ ပျံသန်းနေတဲ့ ပိုးမွှားတွေကို လေထဲမှာတင် ဖမ်းယူစားသောက်ရတာကို နှစ်သက်သလို၊ သစ်ကိုင်းအဖျားတွေမှာ ထိုင်ပြီး လေထဲက ပိုးမွှားတွေကို စောင့်ကြည့် နေတတ်ကြတာကိုလည်း အမြဲတွေ့ရတယ်။

မြန်မာနိုင်ငံရဲ့ တောင်ပေါ်ဒေသတွေနဲ့ သစ်တောထူထပ်တဲ့ နေရာတွေမှာ အတွေ့ရများပါတယ်။ ဆောင်းရာသီရောက်တဲ့ အခါမှာတော့ မြေပြန့်ပိုင်းဒေသတွေကို ခဏတဖြုတ် ဆင်းလာတတ်ကြတာကိုလည်း တွေ့ရတယ်။ မြန်မာမှာ အမြဲတွေ့ရပြီး ဥအု သားပေါက်တဲ့ ဌာနေငှက်ဖြစ်သလို ဒေသတွင်း ရွှေ့ပြောင်းနေထိုင်တတ်တဲ့ ငှက်လေးလို့လဲ ဆိုရမှာပေါ့။

သဘာဝ ချစ်သူ မိတ်ဆွေအားလုံး ကျန်းမာ ပျော်ရွှင်ကြပါစေ ....❤️❤️❤️

ID - Verditer Flycatcher
မြန်မာအမည် - ပိုးကောင် ဖမ်းငှက်/ မျက်မဲငှက်ပြာလေး

11/06/2026

အသံအမြဲပေးပြီး ခြုံထဲက သိပ်မထွက်တဲ့ငှက် ... ဘာငှက်ခေါ်လဲ သိ့ကြလား …. ❤️❤️❤️

11/06/2026

ပိုးကောင်ဖမ်းငှက်လေးတွေထဲမှာ ဒီငှက်လေးကလည်း တစ်မျိုးချစ်စရာ ကောင်းပါတယ်။ ဒီလို ငှက်အမျိုးအစားလေးတွေကို အမြဲတင်နေကျဆိုတော့ "ပိုးကောင်ဖမ်းငှက်" ဆိုရင် လူတိုင်း ရင်းနှီးနေလောက်ပါပြီ။

ဒီငှက်လေးနဲ့ ပတ်သက်လို့တော့ Flycatcher ငှက်တွေရဲ့ သဘာဝအတိုင်း အင်းဆက်/ပိုးမွှားတွေကို ဖမ်းယူ စားသုံးကြပါတယ်။ အမြင့်ပေ ၃၀၀၀ ကျော်အထက်ရှိတဲ့ တောင်ပေါ်တောနက်တွေထဲမှာပဲ နေထိုင်တတ်ပြီး မြင်ရခဲတဲ့ ညို့ညို့မှိုင်းမှိုင်း၊ သေးသေးကွေးကွေး ငှက်လေးလည်း ဖြစ်ပါတယ်။ သူ့အကြောင်း ကြိုမသိထားရင် တွေ့ဖို့မလွယ်ဘူး ပြောရမှာပေါ့။

သူတို့ သဘာဝကိုက လူသူအာရုံစိုက်ခံရမှာကို ကြောက်ရွံ့ပြီး၊ ပုန်းလျှိုးကွယ်လျှိုး နေတတ်တဲ့ (Shy and Skulking) စရိုက်ရှိတာကြောင့် ဓာတ်ပုံရိုက်ရ အလွန်လက်ဝင်သလို၊ ငှက်ချစ်သူတွေအတွက် မြင်တွေ့ရရင်လည်း အလွန် တန်ဖိုးရှိတဲ့ ငှက်လေးတစ်ကောင် ဖြစ်ပါတယ်။ကချင်ပြည်နယ်၊ ရှမ်းပြည်နယ်၊ ချင်းပြည်နယ်တို့မှာရှိတဲ့ တောင်ပေါ်သစ်တောတွေမှာ တွေ့ရနိုင်ပြီး မြန်မာနိုင်ငံမှာပဲ ဥအု သားပေါက်တဲ့ ဌာနေငှက်လေး ဖြစ်ပါတယ်။

သဘာဝ ချစ်သူ မိတ်ဆွေအားလုံး ကျန်းမာ ပျော်ရွှင်ကြပါစေ ... ❤️❤️❤️

ID - White-gorgeted Flycatcher
မြန်မာအမည် - ပိုးကောင်ဖမ်းငှက်လည်ဖြူ

10/06/2026

တောထဲ ဝင်ပြေးဖို့ စက္ကန့်ပိုင်းအလို လှမ်းရိုက်မိလိုက်တာ။ ဒီကောင်တွေက အရှက်ကြီးပြီး တွေ့ရခက်တဲ့ထဲမှာပါတယ်။ မမြင်ဖူးတာ တော်တော်ကြာပါပြီ။ ပုံလေးပြန်ကြည့်ရင်း အလွမ်းပြေ တင်တယ် ဆိုပါတော့ …. ❤️❤️❤️

ID - Ferruginous Partridge
မြန်မာအမည် - တောင်ခါနီ

10/06/2026

ပိုးကောင်ဖမ်းငှက်လေးတွေလည်း ဝတ်ရည်စုပ်ငှက်လေးတွေလိုပဲ အရောင်အသွေးအစုံအလင်နဲ့ တစ်မျိုးစီ လှကြတယ်။ ဒီဓါတ်ပုံထဲက ပိုးကောင်ဖမ်းငှက် အဝါရောင်လေးကတော့ မြန်မာမှာ အမြဲတွေ့ရတဲ့ ဌာနေငှက်တော့ မဟုတ်ပါဘူး။

အရမ်းအေးတဲ့ မြောက်အာရှ၊ အရှေ့အာရှ ဒေသတွေမှာ သားပေါက်ကြပြီး မြန်မာနိုင်ငံမှာ ဆောင်းခိုငှက် သို့မဟုတ် ခရီးတစ်ထောက်နားတဲ့ ဖြတ်သန်းရွှေ့ပြောင်းငှက် (Passage migrant) အဖြစ် ဆောင်းဦးနဲ့ နွေဦးကာလများမှာသာ တွေ့ရလေ့ရှိပါတယ်။

သစ်တောများ၊ ဥယျာဉ်များနှင့် လမုတောများတွင် ကျက်စားလေ့ရှိပြီး အင်းဆက်ပိုးမွှားများနှင့် သစ်သီးငယ်များကို ရှာဖွေစားသောက်တတ်ကြတဲ့ ချစ်စရာ ငှက်ငယ်လေးတွေလည်း ဖြစ်ပါတယ်။

သဘာဝ ချစ်သူ မိတ်ဆွေအားလုံး ကျန်းမာ ပျော်ရွှင်ကြပါစေ ... ❤️❤️❤️

ID - Yellow Rumped Flycatcher
မြန်မာအမည် - ပိုးကောင်ဖမ်းငှက်

09/06/2026

မြင်ဖူးကြလား … အညာမှာတော့ သိပ်ပေါပဲ … ပုဂံရောက်ဖြစ်တိုင်း အများကြီး တွေ့ရတယ် … ဟင်းစားအဖြစ်လည်း စားကြတာတွေ့ရတယ် …..

ID - Burmese Butterfly Lizard
မြန်မာအမည် - ပဒပ် (ပုတက်)