News Photo Camp - N P C

01/11/2024

"ဒီနေ့ ဘယ်သတင်းဓာတ်ပုံတွေ ထူးခြားလဲ"

၁၊နိုဝင်ဘာ၊၂၀၂၄/NPC

နှစ်ပေါင်း ၁၃၀ အတွင်း ဂျပန်နိုင်ငံမှ ဖူဂျီတောင်ကို အောက်တိုဘာလတွင် နှင်းမရှိသော တောင်ထိပ်အဖြစ် ပထမဆုံး မြင်တွေ့ရသည့် ဓာတ်ပုံဖြစ်ပါသည်။

ဤဖြစ်စဉ်ဓာတ်ပုံသည် နှစ်ပေါင်းများစွာအတွင်း ဖြစ်ခဲလှသည်အပြောင်းအလဲအခြေတစ်ခုကို မှတ်တမ်းတင် ရိုက်ကူးထားခြင်း၊ အဆိုပါဖူဂျီတောင်ကို ဆီး နှင်းများအမြဲဖုံးလွှမ်းနေမူကိုသာ မြင်တွေရလေ့ရှိပြီး ယခုလို ဆီးနှင်းမရှိသည့်အခြေအနေမှာ မြင်တွေ့ရ‌ခဲလှခြင်း၊ ဂျပန်နိုင်ငံ၏ အထိမ်းအမှတ်ပုံရိပ်တစ်ခုအဖြစ်တည်ရှိနေခြင်းကြောင့် လူအများစိတ်ဝင်စားဖွယ်ဖြစ်ခြင်း စသည့်အကြောင်းအရာများသည် လူအများစိတ်ဝင်စားဖွယ်ရာဖြစ်သည့်အတွက် မှတ်တမ်းဝင် ဓာတ်ပုံကောင်းအဖြစ် ကျွန်တော်တို့ NPC အနေ ဖြင့် ယူဆသည့်အတွက် "ဒီနေ့ ဘယ်သတင်းဓာတ်ပုံတွေ ထူးခြားလဲ"အစီစဉ်မှာ ယခုဖော်ပြပါ သတင်း ဓာတ်ပုံကို ပြန်လည်ဖော်ပြရခြင်းဖြစ်ပါသည်။

Credit: Science Acumen

NPC(News Photo Camp)

#ဓာတ်ပုံတစ်ပုံကောင်းလျှင် စကားလုံးပေါင်းတစ်ထောင်နှင့် ညီမျှသည်။ #

21/10/2024

"ဒီနေ့ ဘယ်သတင်းဓာတ်ပုံတွေ ထူးခြားလဲ"

၂၁၊ အောက်တိုဘာ ၊ ၂၀၂၄ / NPC

ယခုဖော်ပြပါ သတင်းမှတ်တမ်းဓာတ်ပုံများသည် ၁၀၂၇ စစ်ဆင်ရေး ပထမပိုင်းနှင့် ဒုတိယပိုင်း၊ သန္နီ၊ လားရှိုး၊ မိုးမိတ် မြို့သိမ်းတိုက်ပွဲများတွင် အောင်ပွဲများ ရရှိခဲ့သော ပြည်သူ့လွတ်မြောက်ရေးတပ်မတော် - PLA ရဲဘော်များကို အညာဒေသတနေရာတွင် ပြည်သူလူထုက တခဲနက် ကြိုဆိုနေကြသော မှတ်တမ်းဓာတ်ပုံများကို ပြည်သူ့လွတ်မြောက်ရေးတပ်မတော်-PLAက ယနေ့ အောက်တိုဘာ ၂၁ရက်မှာ တရားဝင်အသိပေးထုတ်ပြန်ခဲ့သော သတင်းဓာတ်ပုံများဖြစ်သည်။

တစ်နေ့တာ တွေ့ရှိရသည့် သတင်းဓာတ်ပုံများအနက်မှ ကျွန်တော်တို့ NPC၏ "ဒီနေ့ ဘယ်သတင်းဓာတ်ပုံတွေ ထူးခြားလဲ"အစီစဉ်မှာ ယခုဖော်ပြပါ သတင်း ဓာတ်ပုံများသည် ပုံမှန်မြင်တွေ့နေကျ မှတ်တမ်းဓာတ်ပုံများနှင့်မတူပဲ သပ်ရပ်မူရှိခြင်း၊ ဖိုးဂရောင်း,မစ်ဒယ်ဂရောင်း,ဘတ်ဂရောင်းများကို ဖိုးကတ်များခွဲ၍ ရိုက်ထားခြင်း၊ ပျော်ရွှင်ကြည်နူး အားရကျေနပ်ဖွယ်ဖြစ်သည့် မြင်ကွင်းကို ပေါ်လွင်အောင်ရိုက်ကူးထားသည့်အတွက် သတင်းဓာတ်ပုံ‌ကောင်းများအဖြစ် ယူဆကာ ရွေးချယ်ဖော်ပြရခြင်းဖြစ်ပါသည်။

ဓာတ်ပုံ-PLA

NPC(News Photo Camp)

#ဓာတ်ပုံတစ်ပုံကောင်းလျှင် စကားလုံးပေါင်းတစ်ထောင်နှင့် ညီမျှသည်။ #

12/10/2024

"ဓာတ်ပုံများကပြောသော သမိုင်းနေ့စွဲများ"

၁၂၊ အောက်တိုဘာ ၊ ၂၀၂၄ / NPC

ယနေ့ အောက်တိုဘာ ၁၂ရက်သည် "ကမ္ဘာ့ဆောင်းခိုငှက်များနေ့"ဖြစ်သည်။

ဆောင်းခိုငှက် (Winter Visitor Bird)ဆိုသည်မှာမြန်မာနိုင်ငံတွင် အမြဲကျက်စားနေထိုင်ခြင်းမရှိဘဲ အခြားနိုင်ငံများမှ ဆောင်းတွင်းအခါမှသာ မြန်မာနိုင်ငံသို့ လာရောက်ရွှေ့ပြောင်းကျက်စားသော ငှက်မျိုးစိတ်များဖြစ်သည်။ ၄င်းတို့ကို ဆောင်းခိုငှက်ဟုခေါ်သည်။ ယင်းငှက်မျိုးစိတ်တို့သည် ၄င်းတို့ဆောင်းခိုရာ နေရာဒေသ နိုင်ငံများတွင် ဥအု သားမွေးခြင်းများ မပြုလုပ်ကြပါ။ ဆောင်းကုန်သောအခါ ၎င်းတို့လာရာဒေသ (အကောင်ပေါက်ပွားရာဒေသ) များသို့ ပြန်လည်ထွက်ခွါသွားကြသည်။

ကမ္ဘာ့မြောက်ခြမ်းမှ တောင်ခြမ်းသို့ ငှက်များပျံသန်းရာ လမ်းကြောင်း(၉)ကြောင်းရှိသည့်အနက် မြန်မာနိုင်ငံသို့ လာသောငှက်များသည် ပျံသန်းရာ လမ်းကြောင်း (၂)ကြောင်းဖြစ်သော Central Asian Flyway နှင့်East Asian – Australasian Flyway မှလာရောက် ‌ဆောင်းခိုကြသည်။ အမြင့်ပေ ၅၀၀၀ကျော်မှာ ပေ၂၀၀၀၀ကြားပျံသန်းကြသည်။

ဆောင်းခိုငှက်အမျိုးအစားတွင် ရေငှက်နှင့် ကုန်းငှက် (တောငှက်) နှစ်မျိုးလုံးပါဝင်သည်။ မြန်မာနိုင်ငံတွင် ငှက်မျိုးစိတ်စုစုပေါင်း (၁၁၄၆)မျိုး မှတ်တမ်းတင်ထားရှိပြီး ယင်းတို့အထဲတွင် ဆောင်းခိုငှက်မျိုးစိတ် (၄၀၀)ကျော်ပါရှိကြောင်း သိရသည်။

ဤနေ့အား မမေ့မလျော့ရလေအောင် ကျွန်တော်တို့ NPC၏ "ဓာတ်ပုံများကပြောသော သမိုင်းနေ့စွဲများ"အစီစဉ်မှ မှတ်‌တမ်းဓာတ်ပုံများကို ပြန်လည်‌ ကောက်နုတ်ဖော်ပြအပ်ပါသည်။

ဓာတ်ပုံ-ဦးဇေမောင်သိန်း

NPC(News Photo Camp)

#ဓာတ်ပုံတစ်ပုံကောင်းလျှင် စကားလုံးပေါင်းတစ်ထောင်နှင့် ညီမျှသည်။ #

11/10/2024

"ဒီနေ့ ဘယ်သတင်းဓာတ်ပုံတွေ ထူးခြားလဲ"

၁၁၊ အောက်တိုဘာ ၊ ၂၀၂၄ / NPC

ယခုဖော်ပြပါ သတင်းမှတ်တမ်းဓာတ်ပုံများသည် အညာဒေသရှိ တော်လှန်ရေးတပ်ဖွဲ့တစ်ခုမှ ရဲဘော်တစ်ဦး ကျဆုံးမူကို ကျန်ရဲဘော်များက ဈာပနအခမ်းအနားပြုလုပ်ကာ ဝမ်းနည်းစွာ ဂုဏ်ပြုခဲ့ကြသည့် ပုံရိပ်များ ဖြစ်ပါသည်။

တစ်နေ့တာ တွေ့ရှိရသည့် သတင်းဓာတ်ပုံများအနက်မှ ကျွန်တော်တို့ NPC၏ "ဒီနေ့ ဘယ်သတင်းဓာတ်ပုံတွေ ထူးခြားလဲ"အစီစဉ်မှာ ယခုဖော်ပြပါ သတင်း ဓာတ်ပုံများသည် ပုံမှန်မြင်တွေ့နေကျ မှတ်တမ်းဓာတ်ပုံများနှင့်မတူပဲ သပ်ရပ်မူရှိခြင်း၊ ဖိုးဂရောင်း,မစ်ဒယ်ဂရောင်း,ဘတ်ဂရောင်းများကို ဖိုးကတ်များခွဲ၍ ရိုက်ထားခြင်း၊ ဝမ်းနည်းမူ အခမ်းအနားဖြစ်သည့်အတွက် စိတ်ခံစားမူများပေါ်လွင်အောင် အပေါ်ပိုင်းမျက်နှာများကို ဦးစားပေးရိုက်ကူးထားခြင်း‌ စသည့်အချက်များဖြင့် ပြည့်စုံနေသည့်အပြင် ပေးချက်တဲ့မက်ဆေ့ကို ပေါ်လွင်အောင် ရိုက်ကူးထားသည့်အတွက် သတင်းဓာတ်ပုံ‌ကောင်းများအဖြစ် ယူဆကာ ရွေးချယ်ဖော်ပြရခြင်းဖြစ်ပါသည်။

ဓာတ်ပုံ-U Pyay

NPC(News Photo Camp)

#ဓာတ်ပုံတစ်ပုံကောင်းလျှင် စကားလုံးပေါင်းတစ်ထောင်နှင့် ညီမျှသည်။ #

10/10/2024

"ဒီနေ့ ဘယ်သတင်းဓာတ်ပုံတွေ ထူးခြားလဲ"

၁၀၊ အောက်တိုဘာ ၊ ၂၀၂၄ / NPC

မွန်ပြည်နယ်၊ ဘီလင်းမြို့နယ် ဇုက္ကလိကျေးရွာအုက်စု ကျွန်းသာယာ သောင်ပြင်အတွင်း ပိတ်မိနေသည့် ဧရာဝတီလင်းပိုင် သားအမိနှစ်ကောင်ကို ရေအနက်ပိုင်းသို့ ပြောင်းရွေ့ကယ်တင်နိုင်ခဲ့ကြောင်း ဇီဝမျိုးစုံမျိုးကွဲနှင့် သဘာဝထိန်းသိမ်ရေးအသင်း- BANCAက ယမန်နေ့က ဓာတ်ပုံများနှင့်တကွ ထုတ်ပြန်ခဲ့သည်။

ဇီဝမျိုးစုံမျိုးကွဲ နှင့်သဘာဝထိန်းသိမ်းရေးအသင်းမှ တာဝန်ရှိသူများသည် မုတ္တမပင်လယ်ကွေ့အတွင်း ထိန်းသိမ်းရေး လုပ်ငန်းများ ဆောင်ရွက်နေစဉ် အောက်တိုဘာလ ၅ ရက် ညနေ ၄နာရီ ၂၉ မိနစ်အချိန်တွင် ဘီးလင်းမြို့နယ် ဇုက္ကလိကျေးရွာအုပ်စု ၊ ကျွန်းသာယာ အပြင်သောင်အတွင်း ဧရာဝတီလင်းပိုင် သား အမိ နှစ်ကောင်အား စတင်တွေ့ရှိပြီး ကယ်ဆယ်ရေးလုပ်ငန်းများ ဆောင်ရွက်ခဲ့ကြသည့် ဓာတ်ပုံများဖြစ်ပါသည်။

တစ်နေ့တာ တွေ့ရှိရသည့် သတင်းဓာတ်ပုံများအနက်မှ ကျွန်တော်တို့ NPC၏ "ဒီနေ့ ဘယ်သတင်းဓာတ်ပုံတွေ ထူးခြားလဲ"အစီစဉ်မှာ ယခုဖော်ပြပါ သတင်း ဓာတ်ပုံများသည် ပုံမှန်မြင်တွေ့နေကျ မှတ်တမ်းဓာတ်ပုံများမဟုတ်ပဲ ရေအောက်ပါနေထိုင်သည့်ရေနေသတ္တဝါကို မိခင်နှင့်တွဲ၍ သားပေါက်ငယ်လေးပါတွေ့ရှိရသည့် အခြေအနေသည် ဖြစ်ခဲလှ၊မြင်ရခဲလှသည့်အတွက် မှတ်တမ်းဓာတ်ပုံ‌ကောင်းအဖြစ် ယူဆသည့်အတွက် ရွေးချယ်ဖော်ပြရခြင်းဖြစ်ပါသည်။

ဓာတ်ပုံ-BANCA

NPC(News Photo Camp)

#ဓာတ်ပုံတစ်ပုံကောင်းလျှင် စကားလုံးပေါင်းတစ်ထောင်နှင့် ညီမျှသည်။ #

09/10/2024

"ဒီနေ့ ဘယ်သတင်းဓာတ်ပုံတွေ ထူးခြားလဲ"

၉၊ အောက်တိုဘာ ၊ ၂၀၂၄ / NPC

နဂါးနီစစ်ကြောင်းတပ်ဖွဲ့က ပြည်သူ့ကာကွယ်‌ရေးတော်လှန်ရေးရဲဘော်များကို ဒေသခံပြည်သူများက သနပ်ခါးလိမ်းချယ်ပေးခြင်း၊‌သပြေပန်းခတ်များဖြင့် အားရဝမ်းသာကြိုဆိုနေသည့် ပုံရိပ်များဖြစ်ပါသည်။

တစ်နေ့တာ တွေ့ရှိရသည့် သတင်းဓာတ်ပုံများအနက်မှ ကျွန်တော်တို့ NPC၏ "ဒီနေ့ ဘယ်သတင်းဓာတ်ပုံတွေ ထူးခြားလဲ"အစီစဉ်မှာ ယခုဖော်ပြပါ သတင်း ဓာတ်ပုံများသည် ပုံမှန်မြင်တွေ့နေကျ မှတ်တမ်းဓာတ်ပုံများထက် ပိုမိုအားကောင်းသည်ဟု ယူဆသည့်အပြင် ဖြစ်စဉ်ကို ထင်ဟတ်ပေါ်လွင်စေအောင် ရိုက်ကူးထားသည်ကို မြင်တွေ့ရသည့်အတွက် ရိုက်ကူးသူအား ဂုဏ်ပြုသည့်အနေဖြင့် ရွေးချယ်ကောက်နုတ်ဖော်ပြအပ်ပါသည်။

ဓာတ်ပုံ-Min Khant Kyaw

NPC(News Photo Camp)

#ဓာတ်ပုံတစ်ပုံကောင်းလျှင် စကားလုံးပေါင်းတစ်ထောင်နှင့် ညီမျှသည်။ #

19/09/2024

"ဒီနေ့ ဘယ်သတင်းဓာတ်ပုံတွေ ထူးခြားလဲ"

၁၈၊ စက်တင်ဘာ ၊ ၂၀၂၄ / NPC

ကုန်ဈေးနှုန်းကျဆင်းရေးနှင့် စစ်မူထမ်းဥပဒေအလိုမရှိကြောင်း ရန်ကုန်မြို့တွင် ယနေ့ စက်တင်ဘာ ၁၉ရက် ညဦးပိုင်းက မီးတုတ်များကိုင်ဆောင်ပြီး ဆန္ဒထုတ်ဖော်ခဲ့ကြကြောင်း စမ်းချောင်းပင်မသပိတ်စစ်ကြောင်းက ထုတ်ပြန်ခဲ့သည်။

ဆန္ဒထုတ်ဖော်မူကို ရန်ကုန်မြို့ ကားလမ်းမကြီး တစ်နေရာပေါ်တွင် သပိတ်အင်အားစုများနှင့် ပြည်သူများ ပူးပေါင်းချီတက်ခဲ့ကြပြီး'ရေဘေးမကူတဲ့ စကစ ပြည်သူအားနဲ့ ဆန့်ကျင်ကြ'၊ 'ကုန်စျေးနှုန်းများကျဆင်းရေး တို့အရေး'၊ 'စစ်မှုထမ်းဥပဒေ အလိုမရှိ'စသည့် ကြွေးကြော်သံများဖြင့် အလံများ၊မီးတုတ်များကိုင်ဆောင်ကာ ဆန္ဒထုတ်ဖော်ခဲ့ကြသည်။

တစ်နေ့တာ တွေ့ရှိရသည့် သတင်းဓာတ်ပုံများအနက်မှ ကျွန်တော်တို့ NPC၏ "ဒီနေ့ ဘယ်သတင်းဓာတ်ပုံတွေ ထူးခြားလဲ"အစီစဉ်မှာ ယခုဖော်ပြပါ သတင်း ဓာတ်ပုံများသည် ပုံမှန်မြင်တွေ့နေကျ မှတ်တမ်းဓာတ်ပုံများထက် ပိုမိုအားကောင်းသည်ဟု ယူဆသည့်အပြင် ဖြစ်စဉ်ကို ထင်ဟတ်ပေါ်လွင်စေအောင် ရိုက်ကူးထားသည်ကို မြင်တွေ့ရသည့်အတွက် ရိုက်ကူးသူအား ဂုဏ်ပြုသည့်အနေဖြင့် ရွေးချယ်ကောက်နုတ်ဖော်ပြအပ်ပါသည်။

ဓာတ်ပုံ-စမ်းချောင်းပင်မသပိတ်စစ်ကြောင်း

NPC(News Photo Camp)

#ဓာတ်ပုံတစ်ပုံကောင်းလျှင် စကားလုံးပေါင်းတစ်ထောင်နှင့် ညီမျှသည်။ #

18/09/2024

"ဓာတ်ပုံများကပြောသော သမိုင်းနေ့စွဲများ"

၁၈၊ စက်တင်ဘာ ၊ ၂၀၂၄ / NPC

ယနေ့ စက်တင်ဘာ၊ ၁၈ ရက်၊ ၂၀၂၄ ခုနှစ်ဟာ (၁၇) နှစ်ကြိမ်မြောက် ရွှေဝါရောင် တော်လှန်ရေး (Saffron Revolution) နှစ်ပတ်လည်နေ့ ဖြစ်ပါသည်။

ရွှေဝါရောင်တော်လှန်ရေးဆိုသည်မှာ လွန်ခဲ့သော ၂၀၀၇ခုနှစ်တုန်းက တစ်နိုင်ငံလုံးအတိုင်းအတာအနေဖြင့် သံဃာတော်များမှ ဦးဆောင်ကာ စစ်အာဏာရှင်ဆန့်ကျင်ရေးဆောင်ရွက်ခဲ့သည့် ကမ္ဘာ့သမိုင်းတွင် မြန်မာသမိုင်းဝင် သံဃာထုကြီး၏ လှုပ်ရှားမှုကြီး ဖြစ်ပါသည်။

ဤနေ့အား မမေ့မလျော့ရလေအောင် ကျွန်တော်တို့ NPC၏ "ဓာတ်ပုံများကပြောသော သမိုင်းနေ့စွဲများ"အစီစဉ်မှ မှတ်‌တမ်းဓာတ်ပုံများကို ပြန်လည်‌ ကောက်နုတ်ဖော်ပြအပ်ပါသည်။

ဓာတ်ပုံ-လူမူကွန်ရက်

NPC(News Photo Camp)

#ဓာတ်ပုံတစ်ပုံကောင်းလျှင် စကားလုံးပေါင်းတစ်ထောင်နှင့် ညီမျှသည်။ #

28/08/2024

PHOTO NEWS:

၂၈၊ ဩဂုတ် ၊ ၂၀၂၄ / NPC

စစ်ကိုင်းသားတွေ ရှမ်းမြောက်မှာ အတော် ကျ တယ်။ ဒီ ဒုတိယ လှိုင်းမှာ ပိုသိသာပါတယ်။ ကိုယ်သိတဲ့ အဖွဲ့တွေ ရော ကိုယ်မသိတဲ့ အဖွဲ့တွေ ရောပါ။ လွယ်လွယ်လေးနဲ့ ရခဲ့တာတွေ မဟုတ်ကြောင်း စစ်ကိုင်းတိုင်းထဲက အုတ်ဂူတွေက သက်သေခံပါတယ်။ ``အရှေ့ကို´´လို့ အော်ဖို့
တစ်ချို့သူတွေ ဟာ အရှေ့မှာ ရှိမနေကြတော့ပါဘူး။ ကျဆုံးပေးဆပ် ရမှု အများစုဟာ ကျောမွဲလူတန်းစားဆီ က လာတာပါ ။ခင်ဗျား ယုံယုံ မယုံယုံ ဒါဟာ အရှိတရား ပါ ။

(ဤစာစုနှင့်ဓာတ်ပုံကို ဓာတ်ပုံဆရာ U Pyay ဖေ့ဘုတ်အကောင့်မှ ပြန်လည်ကူးယူဖော်ပါသည်။ ဖော်ပြပါဓာတ်ပုံသည် ကျဆုံးသွားသည့်‌ တော်လှန်ရေးရဲဘော်များကို ကြယ်တံခွန်ဖြင့်တင်စားဂုဏ်ပြုထားသည့် ကြယ်ပုံကို ကောင်းကင်ထဲမှာထည့်ကာပေါ်လွင်အောင်ရိုက်ပြနိုင်သည့်အပြင် နောက်ခံအကြောင်းအရာသတင်းစကားများပါသော အားကောင်းသည့် သတင်းဓာတ်ပုံလို့ ကျွန်တော်တို့ NPCအနေဖြင့် မှတ်ယူသည့်အတွက် လေးစားတန်ဖိုးထား ဂုဏ်ယူတာကြောင့် ကူးယူဖော်ပြအပ်ပါသည်။)

#ဓာတ်ပုံတစ်ပုံကောင်းရင် စကားလုံးပေါင်းတစ်ထောင်နှင့် ညီမျှသည် #

News Photo Camp:

19/08/2024

(၁၉၊ဩဂုတ်၊၂၀၂၄ မှာကျရောက်တဲ့ World Photography Day အမှတ်တရအဖြစ် ကျွန်တော်တို့ NPCက ဤစာစုနဲ့ ဓာတ်ပုံကို ပြန်လည်မျှဝေခြင်းဖြစ်ပါတယ်)

ကမ္ဘာဓာတ်ပုံနေ့ World Photography Day ထက် ၁၃ နှစ်ပိုစောတဲ့ ကမ္ဘာ့ပထမဆုံး ဓာတ်ပုံ

ကမ္ဘာ့ပထမဆုံးဓာတ်ပုံလို့ အားလုံးက တညီတညွတ်တည်း လက်ခံထားကြတဲ့ ဓာတ်ပုံကို ၁၈၂၆ ခုနှစ်မှာ ရိုက်ယူနိုင်ခဲ့တာ ဖြစ်ပါတယ်။ အခုဆိုရင် နှစ်ပေါင်း ၁၉၈ နှစ် ရှိခဲ့ပါပြီ။ (ပူးတွဲပါ အောက်ကပုံကို ကြည့်ပါ။) ဒီဓာတ်ပုံကို ပြင်သစ်သိပ္ပံပညာရှင် Joseph Nicéphore Niépce က အမှတ်မထင် ရိုက်ယူနိုင်ခဲ့တာပါ။ တကယ်တော့ ဓာတ်ပုံပညာရပ်ဖြစ်ပေါ်လာတာဟာ ဒီထက်တောင် ပိုစောပါသေးတယ်။ ဒီနေ့ ဓာတ်ပုံကင်မရာတွေအားလုံရဲ့ အခြေခံနဲ့ ပထမဆုံး ကင်မရာလို ဆိုနိုင်တဲ့ camera obscura တွေကို ၁၆ ရာစုကတည်းက သုံးနေခဲ့ကြပါပြီ။ ဒီတော့ ဓာတ်ပုံပညာရပ်နဲ့ ကင်မရာတွေ ပေါ်ပေါက်လာဖို့ အစပြုခဲ့တာဟာ နှစ်ပေါင်း ၆၀၀ နီးပါး မကတော့ပါဘူး။
အများစု သဘောတူထားကြတဲ့ ကမ္ဘာဓာတ်ပုံနေ့ World Photography Day ရဲ့ သက်တမ်းကတော့ ၂၀၂၄ နှစ်မှာ နှစ်ပေါင်း ၁၈၅ နှစ် ပြည့်မြောက်တာ ဖြစ်ပါတယ်။ ဒီတော့ ၁၈၅ နှစ်ပြည့် ကမ္ဘာ့ဓာတ်ပုံနေ့လို့ ပြောရင် မှန်ပေမယ့် ၊ ဓာတ်ပုံပညာရပ် ပေါ်ပေါက်လာတာ ၁၈၅ နှစ်ပြည့်ဆိုရင်တော့ မှားပါတယ်။ ဓာတ်ပုံပညာရပ်ဟာ အဲဒီထက် ဆယ်စုနှစ်ပေါင်းများစွာ စောပြီးတော့ ပေါ်ပေါက်ခဲ့တာ ဖြစ်ပါတယ်။ တကယ်လို့သာ ကမ္ဘာ့ပထမဆုံးဓာတ်ပုံ ပေါ်ပေါက်လာတဲ့နေ့ကို ကမ္ဘာ့ဓာတ်ပုံနေ့လို့ သတ်မှတ်မယ်ဆိုရင် ၂၀၂၄ ခုနှစ်ဟာ ၁၉၈ နှစ်ပြည့် ကမ္ဘာ့ဓာတ်ပုံနေ့ ဖြစ်နေမှာပါ။
ကမ္ဘာဓာတ်ပုံနေ့ World Photography Day ကို သတ်မှတ်ကြတော့မယ်ဆိုတော့ ထုံးစံအတိုင်း အငြင်းပွားမှုတွေ၊ ငြင်းခုန်မှုတွေနဲ့ စခဲ့ကြပြန်ပါတယ်။ နောက်ဆုံးမှာတော့ အခုအများစု လက်ခံထားကြတဲ့ သြဂုတ်လ ၁၉ ရက်နေ့ကို ကမ္ဘာဓာတ်ပုံနေ့ World Photography Day အဖြစ် အများစု လက်ခံသဘောတူခဲ့ကြပါတယ်။ (သဘောမတူကြတဲ့ သူတွေလည်း ရှိကြပါတယ်။)
ဘာလို့ သြဂုတ်လ (၁၉) ရက်နေ့ကို ကမ္ဘာဓာတ်ပုံနေ့ World Photography Day လို့ သတ်မှတ်ကြတာလည်း။
ဓာတ်ပုံပညာရပ်ဟာ စတင်ပေါ်ပေါက်ခဲ့တာ နှစ်ပေါင်း ၆၀၀ ကျော်လောက်ရှိပေမယ့် အစောပိုင်းကာလတွေမှာ အများပြည်သူနဲ့ မနီးစပ်ခဲ့ကြပါဘူး။ အနုပညာရှင်နဲ့ သိပ္ပံပညာရှင်တွေသာ ကိုယ်ပိုင်သုံးတဲ့ ၊ တီထွင် စူးစမ်းထားကြတဲ့ ပညာရပ် ဖြစ်ပေါတယ်။ စူးစမ်းရှာဖွေတွေ့ရှိထားကြကသူတွေကည်း ကိုယ်စီကိုယ်စီ မူပိုင်ခွင့် မှတ်ပုံတွေ တင်ထားကြတဲ့အတွက် အများပြည်သူက လွတ်လွတ်လပ်လပ် အသုံးပြုခွင့် မရှိကြပါဘူး။ မူလပညာရှင်တွေဆီကနေ မူပိုင်ခွင့်ဝယ်မှ၊ ခွင့်ပြုချက်ရမှ သုံးကြရပါတယ်။ ဒီအခြေအနေကို ပြောင်းလဲပြစ်တာကတော့ ၁၈၃၉ ခုနှစ် သြဂုတ်လ ၁၉ ရက်နေ့ မှာ ဖြစ်ပေါ်လာခဲ့ပါတယ်။ ပြင်သစ်နိုင်ငံအစိုးရက ပြင်သစ်လူမျိုး Louis Daguerre နဲ့ Joseph Nicephore Niepce တို့ဆီကနေ့ တွင်တွင်ကျယ်ကျယ် အသုံးပြုလို့ရတဲ့ "daguerreotype" ဓာတ်ပုံနည်းပညာ မူပိုင်ခွင့်ကိုဝယ်ယူပြီး ဒီနည်းပညာကို အများပြည်သူ လွတ်လပ်စွာ အသုံးပြုနိုင်ကြောင်း ကြော်ငြာခဲ့ပါတယ်။ *(Louis Daguerre နဲ့ Joseph Nicephore Niepce) တို့ကလည်း ဒီနည်းပညာကို ၁၈၃၇ ခုနှစ်ကတည်းက ရှာဖွေတွေ့ရှိခဲ့ကြပြီး ကိုယ်ပိုင် အသုံးပြုနေခဲ့ကြတာ ဖြစ်ပါတယ်။
ဒီလို ဓာတ်ပုံပညာရပ်ဆိုတာကို လူနည်းစု မူပိုင်ယူထားရာကနေ အများပြည်သူ မည်သူမဆိုလွတ်လပ်စွာ အသုံးပြုခွင့် စရလိုက်ကြတဲ့ ၁၈၃၉ ခုနှစ် သြဂုတ်လ ၁၉ ရက်နေ့ကို ကမ္ဘာဓာတ်ပုံနေ့ World Photography Day လို့ သတ်မှတ်လိုက်ကြတာ ဖြစ်ပါတယ်။

***ကျွန်တော်တို့ ချစ်မြတ်နိုးတဲ့ ဓာတ်ပုံပညာရပ်ကတော့ သန္ဓေတည်ခဲ့တာ နှစ်ပေါင်း ၆၀၀ ကျော်ကတည်းက ဖြစ်ပါတယ်။

(မှားတာ ၊ လိုအပ်တာ ဖြည့်စွက်နိုင်ပါတယ်။)

ကိုးကား အင်တာနက်


ကျော်ကျော်ဝင်း (X-photographer)