Khaled belkhir

06/01/2024

لحظات سعادة ...❤️

02/10/2023

فن الحياة..❤️

02/10/2023

21/08/2023

من احلى التجارب. الي تعيشهم و احساس قوي برشا الي يخلي في داخلك طابع من الفرحة
انك تعيش اكثر من 20 دقيقة تحت الماء و تملي عينيك بالوان و اشكال الحوت و نبتات البحر

21/08/2023

من احلى التجارب. الي تعيشهم و احساس قوي برشا و الي يخلي في داخلك طابع من الفرحة
انك تعيش اكثر من 20 دقيقة تحت الماء و تملي عينيك بالوان و اشكال الحوت و نبتات البحر

18/08/2023

الحب مهوش كلام و الحلمة مهياش كان خيال صحيح الي مش بالساهل انو بش تحققهم اما ما فما شي مستحيل على خاتر كلو يجي بتعب و تضحيه سعات لازم تضحي بغرامك و اصحابك اما وقت و يتعدى و يرجع كيما قبل و خير
لمدة الي فاتت انا و عشيرتي خذينا قرار بش ندخلو في تحدي صعيب الي هوا مرمة و عرس في عام واحد و هذي كانت أول حلما لينا انا نكونو مبعضنا في اقرب وقت و ماكانش قرار ساهل علينا طحنا و قومنا و جرينا مع الوقت
اما توة الحمد لله لحلمة وصنالها و بدينا في حياة جديدة و انشاء الله بش تكون مغامرة مزيانة و نحقو حلمتنا في هملتنا و نبنيو حياة و ذكريات نحكيوها لولادنا و ولاد ولادنا

14/11/2022

Made in Tunisia 🇹🇳

29/08/2022

تشخليعة و تفرهيدة ضحكة و غزرة في عنين لخليلة
تمرميدة و هذي حكاية غرام تتعاش بمشية في الجبل و طلة على لبحر وهذي حكاية قربص
بلاصة نحبها برشا و بلخص كي تكون فارغة من لعباد وقتها تحس بلي نحكي فيه خاتر بلاصة هذي تحب الرياض تخليك تتأمل في بحرها وجبلها و تسمع موسيقتها لملحنة بصوة الموجة من بحرها و العصفور و شجرتها الي تودك بريحة بنينة ريحة الزعتر و كليل الجبل
و كل متركز مع لبلاصة في دقة تفصيلها تزيد تعرف الكنز الي فيها من انواع الطيور لانواع النبات الموجود فيها و كل الحيونات الي تعيش غادي اما متشوف و تعرف الي نحكي فيه كان في السكوة و تكون بلاصوت يعني تخلي الطبيعة هي الي تكلمك و انتي معليك كان تسمع و تشوف و تحس و تقول سبحان الله في خلقو خاتر بش تحس روحك في نعمة و جنة و انتي بين جبل و بحر و غابة في بلاصة وحدة بلاصة صغيرة في بلاد صغيرة
اما نقلك حاجة.؟!....لحكاية هذي راهي حكاية تونسية و حكاية قربص و محكيتها كان ما شوفتها و حسيتها اما متنساش تخليوها نضيفة.... Peace and love ❤️❤️🌹.
#تونس

07/01/2022

Night mood ❤️
🇹🇳

06/01/2022

كيف نقولو الصحراء.. نقولو الجمل او بكلمة اخرى سفينة الصحراء هذا ميوصفوه بيه على تحملو لحر الشمس و سهولة التنقل متاعو في الرمال
🇹🇳 #تونس

04/01/2022

الدڨلة و الحلفة و البناية المنقوشة و عسل التمر المعجون و ضحكة الناس المزيانة في توزر اصل الجريد اصحاب الود و الكرم هذي بلاصة من بلادي و طبايع خواتي و صنعة جدادي
قصة موثقة من قديم الزمان تعداة اجيال و كبرة عليها اجيال و قعدة طبايع بين الناس و في كل تركينة في لمدينة توزر ديما في عينينا
🇹🇳

03/10/2021

ادرنلين ، استكشاف و مغوار هكا رحلة اليوم كانت في غار كريز من معتمدية تستور في ولاية باجة...
كنا اول ما وصلنا للبلاصة متاع المغارة كنا نتخيلو انو بش تكون كيف مغارة علي بابا كنا نستناو في فتحة كبيرة في الجبل بش ندخلو منها مكناش نعرفو الي هيا كيما الحفرة الضيقة في الارض بش ندخلو منها و وقتها الحق استحقرتها و مكنتش نتوقع في حاجة مزيانة كانة تستنا فينا...
و كيف بدينا بدخول تبدل كل شيء، حاجة تهز لعقل سبحان الي خلق... كينها لحيوط الي ديرا بيك منحوته والا منقوشة كيف الشمعة الذايبة و السقف لمعة كيف الثلج.
برشا خفافش دايرة بيك و هذي اول تجربة عندي مع عدد كبير من طير الليل وبلاصة ضلام و مسكرة و هذا الي طلعلي لدرنلين و زيدها الثنية الي تزلق في لهبوط و طلوع و خلاة الطريق سعيب شوية في المشية و الرجعة اما تعداة لباس...
تونس صحيح صغيرة في المساحة اما الي يعرف تونس و تراكنها تو يعرف تونس الي هي من اكبر البلدان و كنز مدفون في العالم..
قداكش مزيانة و شفيك اسرار مخبية ياللة البية يا تونس ❤️