Bessem Chebbi

05/09/2026

أكيد ما انجمش ما نحكيش على صاحبي و خويا فارس بوغزالة إلي شارك و مثل تونس 🇹🇳 من طاوعيته و على حسابو في كأس العالم للأندية للصيد بالغطس المنتظمة في البرتغال. اليوم كان اليوم الثاني و الأخير و مسابقة حضرو فيها برشا "دمادمة" متع مصيد و اليوم فارس نجم يشد 28 حوتة إلي ينجمو يخليوه يطلع في الترتيب و يكون موجود مع أسماء كبيرة أبطال قارات و أبطال عالم ! حبيت فقط نكون سند لصاحبي و نوريكم إلي في تونس عندنا رياضات فردية أكبر و أعضم من رياضات يصرفو عليها مليارات بدون نتائج...

06/06/2026

Let's spearfish with ❤️

05/06/2026

"المشعل"... ما ينجم يكون كان ولدي فارس ! وقيت نبداو الرحلة مع بعضنا على أسس و مبادئ صحيحة. نحبو يتعلم شمعناها الصيد البحري الرياضي بالغطس على طريقتي، إنتظرونا... 👌🏻

29/05/2026

قريبا باش يتم إنتخاب مكتب جامعي جديد بالجامعة التونسية للصيد البحري الرياضي إلي نتمنالو كل التوفيق مهما كانت القائمة و الأسماء المختارة ☺️ وقيت نشوفو أنشطة و نخبة تشارك في تمثيل تونس بأفضل إمكانيات ممكنة. برشا إقتراحات موجودة إلي في الحقيقة ممتازة و أنا شخصيا برؤيتي المتواضعة كواحد من المغرومين إلي تبع من قريب و من بعيد إختصاص رياضة الصيد الرياضي بالغطس، إنجم نقول إلي تونس 🇹🇳 تنجم تكون مصدر إلهام في البحر المتوسط، فقط كان الحوكمة تكون متطورة، منظمة، ذات رؤية إستباقية و خاصة كان الإرادة من الجامعة الجديدة متوفرة ! في كل الحالات النتيجة موش باش تكون فورية بما أنها فترة إنتقالية، لكن أول طلب مني للجامعة الجديدة هي الحضور الدوري بلجنة الإستشارة في تنظيم الصيد البحري بوزارة الفلاحة، باش ما عادش نشوفو قرارات تمثل خطر في الممارسة السليمة و تكون زادة عائق للنخبة في تمارينهم و تطوير قدراتهم (الفصل 11). أكيد عندي برشا كلام و خاصة بلاهي يعيشكم و يرحم والديكم راهو كان ما تصوروش و توفرو محتوى فيديو ذات جودة راهو بلاش بيه ما يجيكم حتى sponsor و فرد وقت تمويلات الوزارة عادي تكون محدودة كان ما يشوفوش "الدور الإجتماعي و العائدات المالية من توفير المسابقات" بحيث ربي يجيبكم في الصواب و تنفعو ولادنا و بلادنا بلي تنجمو و شكرا.
بسام الشابي (مغروم)

20/05/2026

27/04/2026

اليوم الجامعة الفرنسية للصيد الرياضي بالغطس أعلنت على برنامج تكويني جديد في رياضة الصيد بالغطس على 4 مستويات و إلي لفت إنتباهي هو المستوى الأول إلي يبدا للصغار أعمارهم 8 سنوات فما فوق على شرط يكون معاه الولي إلي في أغلب الحالات هو زادة تلقاه صياد و يحب يغرم ولادو. محتوى المستوى الأول واضح و يدل على التحسيس و المرافقة إلي شخصيا نعتبرها فكرة ناجحة خاتر ولدك يبدا فاهم الصحيح مالغالط و يكبر على أسس صحيحة. زعمة في تونس نشوفو منوال تكويني مماثل يخلي وليداتنا تتغرم و يكونو في الحفظ ؟

La FFPSA a officialisé lors de sa dernière Assemblée Générale la mise en place d'une nouvelle filière de diplômes dédiée à la pêche sportive en apnée. Présentée par Yann et la commission formation, cette nouveauté 2026 structure la progression des pratiquants à travers quatre niveaux...

09/04/2026

📣 حبيت نسأل المغرومين بالصيد الرياضي بالغطس في تونس خاتر معادش نشوف في محتوى و كلها لابدة :
ياخي قاعدين تصطادو مرتاحين ؟
مازال عندكم مشاكل إسناد رخص ؟
قرار عدم إستعمال القارب خلال الصيد مازال متواصل ؟
بالنسبة للأنشطة متع النوادي زايد نسأل خاتر معادش منخرط.
نستنا تعليقاتكم خاتر غرامنا لتالي و لا قدام و الله يهدي.

23/02/2026

في تونس 🇹🇳 عمرنا ما شفشنا مجلة رقمية تحكي على أنشطة الصيد البحري الرياضي و أنشطة الغوص الشي إلي خلاني في 2021 قلت علاش لا و نجرب نعمل فكرة مزيانة تفيد المغرومين و تكون بوابة إعلامية في غياب المعلومة و التعريف برياضات فردية من نوع آخر. كنت كتبت و رسمت 30 صحفة على أمل تكون البداية لكن للأسف غياب تام للدعم خلاني نخلي الفكرة في القجر و باش تبقى في القجر للأبد...
فخور بالتجربة و فخور إلي دزيت باش وصلت رسالتي... ❤️