09/01/2026
Dhibaatada Milxo ma aha oo keliya dhibaatada hal magaalo waxay ka tarjumaysaa xaaladda guud ee gobolka Sanaag, oo muddo dheer wajahaya caqabado la xiriira maamul, amni, khilaaf iyo kala qaybsanaan bulsho.
Milxo maanta waxay tusaale muuqda u tahay dhibaatooyinka ka dhasha maamul la’aanta, nidaam-darrada iyo amni-darrada. Waa deegaan leh khayraad badan iyo fursado dhaqaale oo waaweyn, balse aan haysan nidaam maamul oo si hufan u ilaaliya una horumariya khayraadkaas.
Dhaqaale badan ayaa ka soo baxa Milxo, kaas oo haddii si nidaamsan, daahfuran oo mas’uuliyad leh loo maamulo, wax weyn ka tari kara horumarka deegaanka, adeegyada bulshada iyo nolosha dadka ku nool Sanaag.
Sidaas darteed, dadka reer Sanaag waxay u baahan yihiin inay ka gudbaan kala qaybsanaanta, siyaasadda qof-qofka ah iyo dano gaar ah, una gudbaan danta guud, wadajirka bulshada iyo dhisidda nidaam maamul oo dadka, amniga iyo khayraadkooda ilaaliya.
| DAL DAD LEH, HADDANA DAD-LA’ |
