07/11/2026
🙏🏻🙏🏻
TAKE TIME TO READ !!!
Sa Nigeria, namatay sila para kay Hesus. Sa Pilipinas, malaya ka pero nahihiya kang ibahagi Siya?? 🤦♂️🤦♀️🙏🏻
Katotohanan lang ang sasabihin ko sa inyo, mga kapatid. Sa loob lang ng anim na buwan nitong 2026, mahigit 2,550 na Kristiyano sa Nigeria ang pinagpapatay at 2,800 ang dinukot. Ang mga simbahan nila, ginagawang abo. Literal na binabayaran nila ng sariling dugo ang pagkapit sa pangalan ni Hesus. Hindi sila natakot sa kamatayan.
Now, let's look at ourselves here in the Philippines. Sampal sa mukha natin ang balitang 'to.
Tayo rito, malayang-malaya. Walang pumupugot sa atin kapag nagba-Bible study tayo. Walang sumusugod sa mga simbahan natin habang sumasamba tayo. Malayang-malaya tayong magsalita sa loob ng bus, mangaral sa kalye, at magbahagi ng Salita ng Diyos sa mga pampublikong lugar nang walang humuhuli o bumabaril sa atin. We have all the freedom, all the resources, and all the safety. Pero ano ang ginagawa natin sa kalayaang ipinagkaloob ng Diyos?
Ang sakit isipin, pero aminin natin: habang ang mga kapatid natin sa ibang bansa ay nakikipaglaban para sa buhay nila, tayo rito sa Pilipinas, abala sa mga walang kabuluhang awayan. Tama na ang walang katapusang debate. Tama na ang siraan at hatulan sa loob ng iba't ibang simbahan. Nakakalungkot na imbes na magkaisa para sa Ebanghelyo, nauubos ang oras natin sa paninira, inggit, at pagkukumpara ng buhay natin sa iba. Sila, pinagkakaisa ng pag-uusig at pagmamahal kay Hesus. Tayo naman, madalas na pinagwawatak-watak ng pride, inggit, at sariling agenda. Gising, kapatid.
Mas takot pa tayo sa judgment at panlalait ng tao kaysa sa hatol ng Diyos. Nahihiya tayong ma-unfriend o ma-judge. Samantalang sila, hindi ikinatwa si Hesus kahit nakaharap sa mga mamamatay-tao. Pero ikaw, na malayang nakakasakay sa bus at nakakalakad sa kalye, hindi mo maibahagi ang Gospel sa kaibigan mo dahil lang sa takot sa sasabihin nila? Nakakahiya. Ang comfort zone at ang mga petty issues natin ang unti-unting nagpapalamig sa pananampalataya natin.
Biblically and theologically speaking, we need a massive heart check. Sinasabi nating binago tayo ni Hesus at iniligtas Niya tayo. Pero bakit tikom ang bibig natin pagdating sa Mabuting Balita, samantalang ang bilis nating magsalita kapag paninira o argumento ang usapan? Sabi ng Bibliya, ang tunay na pananampalataya ay namumunga ng pagsunod at pag-ibig. Kung tunay nating nauunawaan ang halaga ng krus at ang parusang iniligtas sa atin ni Kristo, hindi tayo magiging kuntento na manahimik habang may mga taong namamatay na hindi Siya kilala. Ang pagbabahagi ng Ebanghelyo ay hindi simpleng opsyon o suggestion, utos ito ng Panginoon. Kung ikinahihiya natin Siya sa harap ng tao, hindi ba dapat tayong mangilabot sa babala Niya sa Kasulatan?
Tandaan natin ang sinabi ni Hesus sa Juan 9:4:
"Kinakailangang gawin natin ang mga gawa ng nagsugo sa akin habang araw pa; dumarating ang gabi, kung kailan wala nang taong makagagawa."
Habang may pagkakataon pa. May kalayaan pa tayong magsalita, magbahagi ng Ebanghelyo, at ipahayag si Kristo nang hindi natin nararanasan ang uri ng pag-uusig na dinaranas ng maraming kapatid natin sa ibang bansa. Ngunit walang sinuman ang may kasiguruhan kung hanggang kailan magtatagal ang pagkakataong ito. Darating ang oras na mawawala ang mga oportunidad, lilipas ang lakas, o matatapos ang buhay. Kapag dumating ang gabing iyon, wala na tayong maibabalik na panahong sinayang natin sa katahimikan, inggit, at walang kabuluhang alitan. Kaya habang "araw pa," gawin natin ang ipinagagawa ng Panginoon.
The blood of the martyrs in Nigeria is a loud wake-up call for the Church. Sinusubok din ang katapatan natin, hindi lang sa gitna ng pag-uusig, kundi pati sa gitna ng kapayapaan at kalayaan. Itigil na natin ang pagkukumpara ng buhay, ang mga walang saysay na alitan, at ang pag-aaksaya ng oras sa mga bagay na walang walang hanggang halaga. Hindi tayo binigyan ng kalayaan para lang mag-away-away, kundi para maging mga saksi ni Kristo sa mga kaluluwang napapahamak sa paligid natin.
Huwag nating kalimutan ang Great Commission sa Mateo 28:19–20: "Humayo kayo at gawin ninyong mga alagad ang lahat ng mga bansa." Utos ito ng Hari ng mga Hari.
Huwag mo nang hintayin na maranasan natin ang matinding pag-uusig bago ka magkaroon ng lakas ng loob na magsalita tungkol kay Hesus. Gamitin mo ang boses mo sa bus, sa kalye, sa social media, sa trabaho, sa paaralan, at saanman ka dalhin ng Diyos. Stop wasting your freedom on petty church drama. Share Jesus today habang may pagkakataon pa.
Kung nais n'yo rin po akong suportahan sa pagpapalaganap ng Ebanghelyo, malaking tulong po ang pag-follow at pag-share ng mga posts. Suportahan din po natin ang iba pang Christian content creators na tapat na nagtataas sa pangalan ni Hesus. Sama-sama po nating gamitin ang social media at ang kalayaan dito sa Pilipinas para maipakilala si Kristo. ❤️🙏🏻
(CopyPaste)
fans
