03/10/2025
Bashkëvendasi jone nga Kovaçica kanditat per asamble komunale nga lista e Levizjes Vetëvendosje garon me numer 7
7. Bajram Istrefi, i lindur më 10 maj 1989, shkollimin fillor e kreu në fshatin Bajgorë, në shkollën “Mehë Uka”, ndërsa shkollën e mesme e përfundoi në Shkollën Ekonomike “Hasan Prishtina” në Mitrovicë. Studimet universitare i vijoi në Kolegjin AAB, në drejtimin Shkenca Politike, ku fitoi njohuri të rëndësishme në fushën e politikave publike dhe administrimit.
I rritur në një familje punëtore, Bajrami është djali i një ish-minatori të Trepçës, nga i cili ka trashëguar ndjenjën e përgjegjësisë, përkushtimit dhe dashurinë për Mitrovicën dhe punëtorët e saj.
Në aspektin profesional, ai është një afarist i suksesshëm, duke udhëhequr me përkushtim kompaninë e tij të mobilieve në fushën e zdrukthtarisë. Përmes punës së tij ka kontribuar në zhvillimin e biznesit vendor dhe krijimin e vendeve të reja të punës.
Ai ka marrë pjesë në dhjetëra trajnimet profesionale, duke u certifikuar nga organizata të ndryshme kombëtare dhe ndërkombëtare, gjë që i ka shtuar përvojë dhe aftësi të shumta menaxheriale, organizative e shoqërore.
Bajram Istrefi është pjesë aktive e Lëvizjes VETËVENDOSJE! që nga viti 2020, ku ka dhënë kontribut të vazhdueshëm në aktivitete politike e shoqërore, duke u dëshmuar si një zë i fuqishëm për qytetarët e Mitrovicës.
Në zgjedhjet e 12 tetorit, ai kandidon për Asamblenë Komunale të Mitrovicës me numrin 7, në listën fituese të Lëvizjes VETËVENDOSJE!
