26/06/2026
پنجاب میں آبیانہ کی نئی شرحیں – کاشتکاروں کے لیے اہم اطلاع
تاریخ: 24 جون 2026
حکومتِ پنجاب کے محکمہ انہار نے 24 جون 2026 کو ایک اہم نوٹیفکیشن جاری کیا ہے جس کے ذریعے نہری پانی کے استعمال پر وصول کیے جانے والے "آبیانہ" کی شرحوں میں فوری طور پر ترمیم کر دی گئی ہے۔
یہ نیا حکم نامہ نمبر SO(REV)IRR/12-70/21(All CEs)-878 ہے، جو گزشتہ نوٹیفکیشن مورخہ 05 دسمبر 2023 کو منسوخ کرتا ہے۔
نئی شرحیں کیا ہیں؟
پنجاب اریگیشن، ڈرینیج اینڈ ریورز ایکٹ 2023 کی دفعہ 49 اور 136 کے تحت گورنر پنجاب نے آبیانہ کے "فلیٹ ریٹ اسیسمنٹ" کی بنیاد پر نئی شرحیں مقرر کی ہیں۔
✅ خریف کی فصل:
• 1,650 روپے فی ایکڑ آبیانہ ادا کرنا ہوگا۔
✅ ربیع کی فصل:
• 850 روپے فی ایکڑ آبیانہ ادا کرنا ہوگا۔
📌 یہ تبدیلی فوری طور پر نافذ العمل ہے۔
باغات اور لفٹ ایریگیشن کے لیے خصوصی ریٹ
✅ منظور شدہ باغات:
• اضافی آبیانہ 2,000 روپے فی ایکڑ سالانہ ہوگا۔
✅ سرکاری لفٹ ایریگیشن:
• حکومت کی ملکیت والے لفٹ ایریگیشن سسٹم سے سیراب ہونے والی زمین پر 2,250 روپے فی ایکڑ سالانہ وصول کیا جائے گا۔
کاشتکار کیا کریں؟
✅ فوری ادائیگی:
• چونکہ نئی شرحیں "فوری اثر" سے نافذ ہیں، اس لیے خریف 2026 کی فصل کا آبیانہ اب 1,650 روپے فی ایکڑ کے حساب سے جمع ہوگا۔
✅ "بل نہیں ملا" کا عذر ختم:
• محکمہ انہار بارہا واضح کر چکا ہے کہ آبیانہ کی ادائیگی کاشتکار کی ذمہ داری ہے۔
• بل نہ ملنے کی صورت میں E-Pay Punjab ایپ، محکمہ کی ویب سائٹ، نمبردار یا پٹواری سے خود رابطہ کر کے بل حاصل کریں۔
✅ بقایا جات سے بچیں:
• نئی شرحوں کے مطابق بروقت ادائیگی نہ کرنے پر لیٹ فیس اور قرقی کی کارروائی ہو سکتی ہے۔
⚠️ یاد رکھیں:
پانی استعمال کیا ہے تو اس کا بل بھی آپ نے خود تلاش کرنا ہے۔ یہی قانون ہے اور یہی ذمہ دار کاشتکار کی پہچان ہے۔
