23/06/2023
My liefste klein Elani …
Vandag moet ek die heel moeilikste ding in my lewe doen.
Aardse afskeid neem van die dierbaarste klein mensie wat my eendag Ouma sou kon noem.
Woorde ontbreek want emosies is net te veel. Ek hoor hoe mense sè tyd maak dit beter maar ek weet dat geen tyd ooit genoeg sal wees om die flenters van my stukkende hart weer heel te maak nie.
Vir vandag sit ons al die asse en waarom en hoekoms opsy sodat ons jou lewe kan vier.
[amper] 4 maande
waarin ons in verwondering gestaan oor hoe perfek jy is
16 weke
waarin ons elke dag vir jou vertel het hoe mooi jy is
117 dae
Waarin ons elke minuut vir jou gelewe het
2808 ure
Waarin ons nie kon ophou om vir jou te kyk nie, na jou stemmetjie te luister nie
168480 minute
Waarin ons jou so liefdehad het
Tyd sou net nooit genoeg gewees het vir almal se liefde nie. Jy het so ontsettend baie mense aangeraak.
Jy bly vir altyd die heel spesiaalste dogtertjie-baba wat ek ooit geken het.
My liefde vir jou is oneindig.
